Putinek misil balistiko hipersoniko batekin egin dutela Ukrainaren aurka zehaztu du
Vladimir Putin Errusiako presidenteak baieztatu egin du ostegun honetan, azaroak 21, egin duten Ukrainaren aurkako erasoa, baina karga nuklearrik gabeko misil balistiko hipersoniko bat erabili dutela jakinarazi du. Telebista publikoak igorritako mezu batean, Ukrainak "irismen handiko armen erabilerari emandako erantzuna" dela jakinarazi du.
Putinek azaldu duenez, Armada Errusiarrak daukan "irismen ertaineko misil sistema berrienetako bat" probatu dute, Oreshnik izenekoa.
Errusiako presidentearen hitzetan, Kievek irismen luzeko armak erabiltzeak "ez du eraginik izango gerraren garapenan". Errusiako indarrak Ukrainan "fronteko lerro osoan zehar" aurrera egiten ari direla ziurtatu du, eta Moskuk proposatutako "helburu guztiak lortuko" direla gaineratu du.
Aurrez, Ukrainako Armadak kontinente arteko misil bat erabili duela Errusiak jakinarazi du. Volodimir Zelenski presidenteak ere misil berriak "kontinente arteko gaitasun balistikoak" izan ditzakeela esan du bere sare sozialetan.
Armadaren komunikazioaren arabera, Dnipro hiriaren aurkako erasoan Kh-47M2 Kinzhal misil bat eta sei kh-101 misil ere erabili dituzte errusiarrek. Defentsa sistemek kh-101 gurutzaldiko zazpi misiletatik sei eraitsi ahal izan dituztela azaldu du, baina ezin izan dituztela "kontinente artekoa eta eta Kh-47M2 Kinzhal aerobalistikoa" geldiarazi.
Hala ere, ez dutela "funtsezko" kalterik eragin ziurtatu dute. Aurretik, Dnipro hiriburu duen Dnipropetrovsk eskualdeko agintariek hiriko "azpiegitura industrial batean" izan direla kalteak jakinarazi dute.
Ukrainako iturrien arabera, misila Errusiako hegoaldean dagoen Astrajan eskualdetik jaurti dute. Andri Kovalenko UUkrainako Segurtasun Nazionalerako eta Defentsarako buruak Telegrameko bere kanalean adierazi duenez, Astrajani droneekin eraso eginez erantzun du Ukrainak. "Dnipro, eusten ari da. Errusiako Federazioko Astrajan eskualdea droneekin erasotzen ari gara", adierazi du.
Ukrainak Estatu Batuen eta Erresuma Batuaren irismen luzeko misilak erabili ditu aste honetan Errusiako lurraldean eraso egiteko. Kremlinaren ustez, horrek Ukrainako gerra koska bat laztea eragingo du.
Gerra "kuantitatiboki eta kualitatiboki" lazteko nahia ikusten du Europar Batasunak
Ukrainak kontinente arteko misil bat Dnipro hirian jaurti izana egotzi dio Errusiari, eta Europar Batasunak uste du horren atzean Ukrainako gerra "kuantitatiboki eta kualitatiboki" estutzeko nahia dagoela.
Peter Stano Europako Batzordearen bozeramaileak ostegun honetan kazetarien aurrean azaldu duenez, Vladimir Putin Errusiako presidenteak ez duela bakea bilatzen erakusten duen beste "seinale argi bat" da.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.