Boterean dagoen Alderdi Sozialdemokratak irabazi ditu Errumaniako hauteskundeak
Marcel Ciolacu Errumaniako lehen ministroaren Alderdi Sozialdemokratak (PSD) irabazi ditu Errumaniako Parlamenturako hauteskundeak, babesaren % 22,6 eskuratuta, botoen % 99,45 zenbatuta dagoela.
Calin Georgescu buru duen Errumaniarren Batasunerako Aliantza (AUR) ultraeskuindarra bigarren indarra izango da botoen % 18,2rekin, eta hirugarren, Alderdi Nazional Liberala (PNL, zentro-eskuinekoa), botoen % 13,6rekin. Laugarren, Uniunea Salvati România (USR) zentroko alderdi nazionalista, puntu bat beherago.
Analistek uste zuten Errumanian eskuinerako aldaketa izango zela, aurreko astean Calin Georgescu errusiazale eta ultraeskuindarrak ustekabean hauteskunde presidentzialetan garaipena lortu baitzuen. Botoen ia % 23 lortu zituen, izan ere, Georgescuk.
Senatuari dagokionez, PSDk botoen % 23 eskuratu du, AUR alderdiak baino bost puntu gehiagorekin. Atzetik daude, ganbera horretan ere, PNL eta USR, botoen % 14,5 eta %12rekin, hurrenez hurren.
Historikoki, kontserbadore eta aurrerakoien arteko lehia izan da Errumanian, baina azken urtean europazale eta euroeszeptikoen arteko borroka nagusitu da.
Hauteskunde legegileak nahasmen handiko astea izan dute igaro berri dena. Tentsio handiko astea izan da Errumaniako politikagintzan Georgescuren ezusteko garaipenagatik eta, ondoren, Konstituzio Auzitegiak agindutako zenbaketagatik, Errusiaren esku sartzearen susmoak zirela eta.
Errumania, Itsaso Beltzeko eskualdeko egonkortasunari eusteko giltzarri eta NATOren funtsezko aliatu izan da orain arte Ukrainari mendebaldetik laguntza iristarazteako. Orain, ziurgabetasun politikoko egoera batean murgilduta dago herrialdea.
Hauteskundeetako emaitzak argitu ostean, estatuburua arduratuko da gobernua osatu beharko duen lehen ministroa izendatzeaz, behin bi ganberak eratuta eta bi presidenteak izendatuta.
Zure interesekoa izan daiteke
Osasuna ardatz izango duen klima egokitzapenerako plana aurkeztu dute COP30 goi-bileran
Irabazi asmorik gabeko nazioarteko 35 erakundek gaur iragarri dute 300 milioi dolar bideratuko dituztela datozen hiru urteotan, klima larrialdiari aurre egiteko ekimenetara. Tartean daude Gates, Wellcom Trust edota Rockefeller fundazioak.
Batasuna eta elkartasuna, Parisko erasoetatik 10 urtera
Hamar urte igaro dira Frantzia gogor kolpatu zuenetik terrorismo jihadistak. Hiru komandok Parisko estadio bati, hainbat terrazari eta Bataclan aretoari eraso zieten, eta 132 pertsona hil. Gaurdaino luzatu da oinazea eta trauma kolektiboa, eta gaur, gaur, memoriarako egun honetan, egun haietako batasuna eta elkartasuna itzuli da.
EBko abokatu nagusiak Puigdemonten amnistiarako bidea argitu du: "Ez da autoamnistia bat"
Dean Spielmann Europar Batasuneko abokatu nagusiaren ustez, Espainiako amnistia legea ez dago terrorismoaren aurkako Europako zuzentarauaren aurka, baina babes judizial eraginkorrerako eskubidearekin gatazkak egon daitezkeela ohartarazi du.
AEBko administrazioa ireki dute: 43 egun iraun duen eta inoizko luzeena izan den itxialdiari amaiera eman diote
Donald Trump Ameriketako Estatu Batuetako presidenteak bart sinatu du administrazioaren itxierari amaiera eman dion legea. Urtarrilaren 30era arteko aurrekontua onartu dute, eta Ordezkarien Ganberak 2026rako partidak osorik onartu beharko ditu, berriro itxialdirik egon ez dadin.
Albiste izango dira: 10 urte Bataclan aretoko atentatuetatik, gutxieneko soldata propioa Eusko Legebiltzarrean eta Korrikaren aurkezpena
Gaurkoan Orain-en albiste izango direnen laburpena, bi hitzetan.
David Bataclanen bahituta eduki zuten: “Minutu oro oroitzen dut gertatutakoa, tenperatura, usainak, armak…”
Eraso jihadista batean, 132 pertsona hil ziren Parisen, 2015eko azaroaren 13an; gehienak, Bataclan aretoan. 10. urteurrena da, eta biziraun zuen David Fritz elkarrizketatu du EITBk. 10 lagunekin batera bahitu zuten, bi ordu eta erdiz. Haren aurrean jendea hil zuten. Bizipen hark traumak utzi dizkio, eta memorian iltzatuta ditu ikusitakoen irudiak. Terapia gisa, bi liburu idatzi ditu ordutik.
Macronen pentsioen erreforma bertan behera utzi du Frantziako Asanblea Nazionalak
2023an onartutako erreformak polemika piztu zuen hasieratik eta herrialdeak bizi izan duen krisi politikoaren arrazoi nagusiena izan da. Alderdi Sozialistak erreforma bertan behera uztea baldintza gisa jarri zuen Sebastien Lecornuren gobernua erortzen ez uzteko.
Krisia BBCn: Zer gertatu da eta zein dira hurrengo pausoak?
Tim Davie Erresuma Batuko irrati-telebista publikoaren zuzendari nagusiak eta Deborah Turness albistegien zuzendariak dimisioa eman dute, Trumpen hitzaldi baten manipulatutako bertsioa emititzeagatik.
Fung-wong tifoiak 27 hildako utzi ditu Filipinetan eta 3,6 milioi pertsonari eragin dizkio kalteak
Galerak oso handiak dira, milaka etxe suntsituta edo kaltetuta daude, 170.000 familia ebakuazio-zentroetan daude babes hartuta, eta komunikazioa oso zaila da, 37 zubi erori baitira, eta gutxienez 12 errepide nazional urak hartu ditu.
Manifestari talde bat Brasilgo COP30ean sartu da, milamilioidunenei zerga gehiago jarri diezaietela eskatzeko
Belemen, manifestariek Nazio Batuen Erakundeak kudeatzen duen COP30eko gune urdinean sartzea lortu dute. Amazoniako petrolio-ustiategien aurka protesta egin dute eta milamilioidunenek ingurumen-zergak handiagoak ordaindu ditzatela eskatu dute. Lula presidentearen aurkako mezuak ere zabaldu dituzte, Amazoniaren egoera ofizialki onartzen dena baino okerragoa dela salatuz.