Alemaniako agintariek baieztatu dute Magdeburgeko erasotzaileari buruzko alerta bat jaso zutela 2023an
Alemaniako Migrazio eta Iheslarientzako Bulego Federalak (BAMF) baieztatu du 2023ko udan alerta bat jaso zuela Magdeburgeko gabonetako azokako harrapaketagatik atxilotutako susmagarriari buruz. Bost pertsona hil eta 200 baino gehiago zauritu ziren erasoan.
"Sare sozialen bidez jaso zuen abisua bulegoak iazko udaren amaieran", azaldu du erakundeak ohar ofizial batean.
"Abisu hori, jasotzen ditugun gainerako abisu guztiak bezala, serio hartu zen", esan du agentziak, eta ohiko prozedura betez, dagokion agintaritzari helarazi ziola. BAMFk "ulermena" eskatu du, bere lana "honetatik haratago" doalako.
Azken orduetan, susmagarriari buruz BAMFra bidalitako abisuen pantaila-irudiak ibili dira sare sozialetan, eta polemika piztu da.
Holger Muench Polizia Kriminalaren Bulego Federaleko (BKA) arduradunetako batek baieztatu duenez, Saudi Arabiatik zetorren abisu bat ere jaso zuten 2023ko azaroan, eta ikerketa abiatu zutela azaldu du, baina abisua "abstraktua" zela, ARD Alemaniako telebista publikoaren arabera.
Erasotzailearen motibazioari buruzko ikerketak aurrera jarraitzen du
Magdeburgeko Fiskaltzak ikertzen jarraitzen du erasotzaileak nola eta zergatik egin zuen erasoa.
Harrapaketa berreraiki dute. Horren arabera, Taleb A, BMW beltz bat gidatuz, gabonetako azokan sartu zen arratsaldeko zazpiak aldera, autoen joan-etorria galarazteko bolardorik ez zegoen puntu bakarra aprobetxatuz, anbulantzientzako eta erreskate-autoentzako bide gisa pentsatuta zegoen ibilbidea hartuta.
Poliziak berehala hasi zuen jazarpena, eta handik gutxira lortu zuen erasotzailea atxilotzea. Harrapaketan parte hartu zuen agente batek Alemaniako hedabideei esan dienez, ustezko erasotzaileak ia-ia bere burua entregatu zuen.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.