Giza Eskubideen Siriako Behatokiak ehunka atxiloketa salatu ditu, eta tratu txarrak eta torturak izan direla
Siriako administrazio berriko segurtasun indarrek 500 pertsona inguru atxilotu dituzte azken 48 orduetan Homs hirian, Baxar al-Assaden erregimenak egindako krimenekin zerikusia dutelakoan, eta "horietako batzuei tratu txarrak eman dizkiete eta torturatu egin dituzte", Giza Eskubideen Siriako Behatokiaren esanetan.
Behatokiak igande honetan zabaldutako ohar baten arabera, "500 pertsona inguru atxilotu dituzte azken 48 orduetan Homseko ekialdeko kanpoaldean, besteak beste, adiskidetzea egin zuten ofizialak eta agenteak", administrazio berriak horretarako ezarritako zentroetan.
"Atxiloketa horietako batzuetan giza eskubideak urratu dituzte segurtasun indarrek, eta torturatu ere egin dituzte atxilotuak segurtasun zentroetara eramaten zituzten bitartean", adierazi du.
"Behatokiak bideo bat lortu du, non segurtasun indarrak Homseko Al Sabil auzoan herritarrak atxilo eramaten ikusten den, modu gizagabean eraman ere, erregimen ohiko indarrek egin ohi zuten modu berean", ohartarazi du. Egoitza Erresuma Batuan duen arren, kolaboratzaile ugari ditu Behatokiak Sirian bertan.
Siriako Operazio Militarren Aginteko segurtasun indarrek miaketa kanpaina hasi zuten duela zenbait egun Homsen, Baxar al-Assaden segurtasun indarretako kide ohiak jazartzeko, izan adiskidetze prozesua egiteari uko egiten diotenak edo oraindik armak entregatu ez dituzten taldeetakoak.
Erregistro eta sarekada handiak ari dira egiten, segurtasun neurri zorrotzen artean.
Administrazio berriak iragarri duenez, Baxar al-Assaden agintaldian presoak torturatu edota hil izana egozten diete atxilotu dituzten horiei.
Siriako agintari berriek "adiskidetze zentroak" ireki dituzte azken asteotan herrialdeko hainbat gobernaziotan, militarren edo antzinako erregimeneko segurtasun erakundeetako kideak jaso eta adiskidetzeko, baina azpimarratu dute ez dituztela "eskuak siriarren odolez zikinduta dituzten pertsonak" indultatuko.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.