SUTEAK KALIFORNIAN
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gutxienez bost pertsona hil dira Los Angelesen piztuta dauden sei suteetan

Joe Biden AEBko presidenteak bertan behera utzi du Italiara egitekoa zuen bidaia ofiziala, eta Hollywoodeko Akademiak Oscar sarietarako izendapenak aurreikusitakoa baino bi egun geroago iragarriko ditu, urtarrilaren 19an, alegia.
20250109091623_incendio-hollywood_
18:00 - 20:00
Hollywoodera iritsi dira Kaliforniako suteak, eta 100.000 lagun ebakuatzeko agindua eman dute
author image

AGENTZIAK | EITB Media

Azken eguneratzea

Sua mendean hartu ezinik jarraitzen dute Los Angelesen, Kalifornian, eta gutxienez bost pertsona hil dira, dozenaka lagun zauritu eta 1.000 eraikin inguru kiskali dira oraindik ere piztuta dauden sei suteen ondorioz. Halaber, agintariek 100.000 pertsona inguru ebakuatzeko agindua eman dute . 

Sei sute horietatik lauk kontroletik kanpo jarraitzen dute, eta horietako bik (Palisades eta Eaton) 11.000 hektarea inguru erre dituzte, Kaliforniako Suteen Babeserako Departamentuak zabaldutako informazioaren arabera.

Orain arte erregistratu den azken sutea Hollywood Hills gainetan piztutakoa da, eta, ondorioz, bertako agintariek Mulholland Drive eta Hollywood Boulevard arteko ingurua ebakuatzeko agindu dute. Gainera, Hollywoodeko Ospearen Pasealekuan ebakuazio alerta ezarri dute.

Bestalde, Hollywoodeko Akademiak Oscar sarietarako izendapenak urtarrilaren 19an iragarriko ditu, hasieran aurreikusi baino bi egun geroago. Halaber, suteek eragindako egoera dela eta, Hollywoodeko Akademiak erabaki du botoa emateko epea bi egun luzatzea, urtarrilaren 14ra arte.

Testuinguru horretan, Joe Biden AEBko presidenteak bertan behera utzi du Italiara egitekoa zuen bidaia ofiziala.

 

 

Hollywoodera iritsi dira Kaliforniako suteak, eta 100.000 lagun ebakuatzeko agindua eman dute
Munduko albisteak Oscarrak Ameriketako Estatu Batuak Suteak Hondamendi naturalak Eguneko Titularrak Joe Biden Hondamendi naturalen biktimak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X