AEBk eta Errusiak adostu dute harremanetan normaltasunez aritzea eta Ukrainari buruz hitz egiten jarraitzea
AEBko eta Errusiako gobernuek "Ukrainako gatazka amaitzeko" elkarrizketak abiatzea adostu dute, Saudi Arabiako hiribuan, Riaden, egindako bileran.
Marco Rubio AEBko Estatu idazkaria eta Sergei Lavrov Errusiako Atzerri ministroa bildu dira gaur, hain zuzen ere. Bi herrialdeetako atzerri politikako ordezkari nagusiek egindako lehen bilera izan da gaurkoa, 2022eko urtarriletik, hau da, Errusiak Ukraina inbaditu baino hilabete lehenago batzartu ziren azkenekoz.
Riadeko gaurko bileran, bi herrialdeek konpromisoa hartu dute harreman diplomatikoak "normalizatzeko". Gainera, "goi-mailako" negoziazio taldeak sortzea hitzartu dute, Ukrainako gerraren amaiera lortzeko.
Rubiok baieztatu du berak jarraitu egingo duela negoziazio prozesu honetan parte hartzen, baina ez du argitu aktore gehiago onartuko dituzten, hala nola Ukraina bera eta Europar Batasuna.
Bi herrialdeek gerra amaitzeak ekarriko lituzkeen "aukera" ekonomikoei so egin diete; horregatik, etorkizunean lankidetzan aritzeko oinarriak ezartzen saiatuko dira.
AEBko Gobernuak ez du aurreratu nahi izan noiz bilduko liratekeen Donald Trump eta Vladimir Putin presidenteak, baina aitortu du joan den astean biek izan zuten telefono solasaldia "aurrerapauso handia" izan zela.
Harremanak normalizatzea
Bestalde, Errusiak eta AEBk akordioa lortu dute euren harreman diplomatikoetako "oztopo artifizialak" kentzeko, Lavrovek adierazi duenez.
Errusiako Atzerri ministroaren esanetan, gaur itxitako "lehen akordioa" izan da, hain justu, "laster" enbaxadoreak izendatzea berriz bi herrialdeetan.
Volodimir Zelenski Ukrainako presidenteak aurreratu du ez dituela batzar horretako ondorioak ontzat emango, ez dituztelako Ukrainako Gobernua eta Europar Batasuna gonbidatu.
Albiste gehiago mundua
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.