Pradales: "Gaur, inoiz baino gehiago, Europa sendotzen lagunduko duen Alemania bat behar dugu"
Imanol Pradales lehendakariak esan du Alemaniako hauteskundeen emaitzek Gobernu "indartsu eta egonkor" bat eratzea ahalbidetzen dutela, eta hori komenigarria dela, "gaur, inoiz baino gehiago, Europako proiektua indartzen lagunduko duen Alemania bat" behar delako.
Pradales, LinkedInen egindako argitalpen batean, pozik agertu da hauteskundeetan izandako parte-hartze handiagatik eta Alemaniako herriak "demokraziaren alde egin duelako, argi eta garbi".
"Ultraeskuinaren gorakada zalantzarik gabe oso kezkagarria den arren, ez gaitu fokua desbideratzera eraman behar", gaineratu du lehendakariak, eta "geopolitika inperial berriak Europaren erantzun irmoa, bateratua eta argia eskatzen du", Donald Trumpen Gobernuaren politikek "azken 80 urteetako nazioarteko ordena hausteko mehatxua" egiten dutelako.
"Ixteko joera duen mundua"
Gogorarazi duenez, Ameriketako Estatu Batuek ez liekete "bere aliatu historikoei bizkarra eman behar, mugimendu ultraeskuindarrak bultzatu behar Europan, edo merkataritza gerra bultzatu, garapen ekonomikoa eta soziala soilik geldiaraziko duelako".
"Lehen potentzian panorama politikoa argituta, eta ixteko joera duen mundu baten aurrean, Europak lanean hasi behar du bere autonomia estrategikoa bermatzeko eta funtsezko esparruetan berpizteko, hala nola industrian, energian, teknologian, defentsan eta elikaduran", erantsi du.
Pradalesek uste du Alemaniako egonkortasun politikoak ere "susperraldi ekonomiko progresiboa" ekarriko duela, "bi ekitaldi atzeraldian egon ostean", eta, gainera, "merkatu giltzarria" dela euskal ekonomiaren sektoreentzat, hala nola automobilgintzarentzat, makina-erremintarentzat eta siderurgiarentzat.
Berlingo erasoa
Azkenik, Berlingo Holokaustoaren biktimen monumentuaren ondoan labanaz larri zauritu zuten bilbotar gaztea izan du hizpide lehendakariak.
Laster sendatzea opa dio, eta babes osoa helarazi die berari eta bere senideei, gogorarazi aurretik demokraziak "gai izan behar duela, gobernu-gehiengoak egituratzeaz gain, errealitate askotariko eta konplexuari erantzuteko, bakea, berdintasuna, askatasuna, tolerantzia, elkarrizketa eta aniztasun politikoa bermatzeko".
"Fanatismoak eta estremismoek ez dute lekurik gure gizartean. Defenda dezagun Europa moderno, indartsu eta demokratiko bat, etorkizuna horretan doakigulako", azpimarratu du.
Albiste gehiago mundua
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.