Athena espazio-zundaren misioa amaitu da, Ilargiaren krater baten barruan trebeska erori ondoren
Athena espazio-zundaren misioa bukatu da, ostegunean krater baten barruan trebeska erori zelako. Ondorioz, eguzki-panelak ezin dira kargatu, Intuitive Machines konpainiak gaur azaldu duenez.
Athena ostegunean iritsi zen Ilargira, Euskal Herriko 17:30 aldera. Mons Mouton lautadatik 25 bat metrora erori zen, Ilargiaren Hego Polotik 160 kilometrora. Ontziak bidalitako eta gaur argitaratutako argazki batean, krater baten barruan geratu zela ikus daiteke.
"Eguzkiaren norabidea, eguzki-panelen orientazioa eta kraterreko tenperatura oso hotzak direla eta, Intuitive Machinesek ez du espero Athena kargatzea", onartu du konpainiak ohar batean.
"Misioa amaitu da, eta lantaldeek misioan bildutako datuak aztertzen jarraitzen dute", azpimarratu du konpainiak.
Aurretik, Odysseusek, 2024ko otsailean Ilargian pausatu zen enpresako beste moduluak, arazoak izan zituen. Azkarregi jaitsi zen, saiheska erori zen eta zango bat galdu zuen, eta, ondorioz, Lurrarekin komunikatzeko gaitasuna murriztu zitzaion.
Athena otsailaren 26an aireratu zen Kennedy Espazio Zentrotik (Florida), SpaceX konpainiako Falcon 9 kohetean.
IM-2 misioaren helburua Mons Mouton eskualdean ura bilatzea zen, hori erabakigarria baita etorkizuneko misioentzat eta Ilargiaren balizko kolonizazioarentzat.
Joan den igandean, beste konpainia estatubatuar batek, Firefly Aerospacek, arrakastaz lurreratu zuen Blue Ghost ontzia Ilargian. NASAk enpresa pribatuekin duen aliantzaren parte da misioa.
Zure interesekoa izan daiteke
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.