Errusiak 15 lagun hil eta 50etik gora zauritu ditu Donetsken eta Kharkiven azken orduetan egindako erasoetan
Errusiak Donetsk eta Kharkiv Ukrainako eskualdeen aurka gauerdian eta arratsaldean egindako erasoek 15 pertsona hil eta 50etik gora zauritu dituzte, larrialdi zerbitzuek eta bertako agintariek egindako kalkuluen arabera.
Dobropillia herrian egin du erasoetako bat. Han, 11 pertsona hil eta 47 zauritu ditu, tartean erreskate taldeetako langileak, esan dute bertako agintariek. Halaber, baieztatu dute hainbat etxebizitzak eta administrazioaren eraikin batek su hartu dutela.
"Arratsaldean errusiarrek Dobropillia erdiguneari eraso diote. Gutxienez, 11 pertsona hil eta 47 zauritu dituzte han. Bost solairuko zortzi eraikinetan kalteak eragin dituzte, baita administrazioaren eraikin batean eta 30 ibilgailutan ere", adierazi du Ukrainako larrialdi zerbitzuak.
Agintariek zehaztu dute sua itzaltzen ari zirela eraso dietela berriro.
"Mehatxuak mehatxu, suhiltzaileek lanean jarraitu dute. Guztira, 20 etxebizitzatara zabaldu da sua, eta 190 metro koadroko azalera hartu duten hiru sute itzali dituzte", erantsi dute.
Lehenago, eskualdeko gobernadore Vadim Filashkinek Telegram bidez jakinarazi du atzo gauean bost pertsona hil zituztela. Oraindik, baina, ez dago guztiz argi zenbat pertsona zendu ziren eraso horretan, ezta zenbaterainoko kalteak eragin zituen ere.
Geroago, larrialdi zerbitzuek ohartarazi dute beste hiru hildako eragin dituztela Errusiak Kharkiven egindako erasoek.
Bart gertatu da eraso hori, enpresa zibil baten kontra, Bogodukhov herrian. Han, sute "izugarria" piztu da, eta 2.000 metro koadroko azaleran zabaldu da.
Ukrainako gerra 2022ko otsailaren amaieran hasi zen, Errusiako presidente Vladimir Putinek herrialde horretan indarrez sartzeko agindua eman zuenean.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.