Elon Muskek espero du AEBk eta Europak beren muga-zergak kentzea etorkizunean
Elon Musk handikiak AEBk eta Europak etorkizunean "muga-zergarik gabeko" aliantza komertzial estuagoa ezartzea nahi duela adierazi zuen larunbatean, Italiako Liga alderdi ultraeskuindarrak Florentzian egindako ekitaldian.
"Espero dut Ameriketako Estatu Batuek eta Europak oso hurbileko aliantza bat sortzea. Jakina, badago aliantza bat, baina oso indartsua izatea espero dut", esan zuen bideokonferentzia bidez Donald Trump AEBko presidentearen eskuineko eskuak, eta AEBko Administrazioaren gastu publikoa murrizteaz arduratu dena.
Trumpek mundu osoko inportazioei ezarritako muga-zergak iragarri eta hiru egunera iritsi dira horren hitzak, Europar Batasunari % 20ko muga-zergak ezarri ostean.
Merkataritzako tasen pultsu horri dagokionez, X sare sozialaren jabeak AEB eta Europa "zero muga-zergen egoerara iristeko" itxaropena agertu zuen.
"Europak eta AEBk, nire ustez, idealki zero tarifako egoera baterantz mugitu beharko lukete, eta espero dut adostasun horretara iristea, benetan merkataritza libreko gune bat sortzeko. Hori izango litzateke nire itxaropena, espero dudana", esan zuen.
Era berean, europarren eta estatubatuarren artean mugitzeko eta bi eremuetan lan egiteko "askatasun handiagoa" egon dadin proposatu du, "baita askatasun handiagoa ere pertsonak Europa eta AEBren artean mugitzeko, hala nahi badute. Europan lan egin nahi badute edo AEBn lan egin nahi badute, horretarako aukera izan beharko lukete, nire ustez", esan zuen.
"Hori izan da, egia esan, presidenteari eman diodan aholkua", gaineratu zuen.
Liga alderdi ultraeskuindarraren kongresuan egin zituen Muskek hitz horiek. Kongresu horretan, Matteo Salvini Liga alderdiko buru eta Italiako Gobernuko presidenteordeak bere agintaldia berretsiko du.
Zure interesekoa izan daiteke
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.