Gutxienez 34 hildako eta 117 zauritu eragin ditu Errusiak Ukrainako Sumi hirian, misil balistikoak botata
Misil balistikoz egindako eraso batek gutxienez 34 hildako (horietatik bi, haurrak) eta 117 zauritu (horietatik 15, haurrak) utzi ditu gaur Ukrainiako Sumi hirian. Errusiak Ukrainaren inbasioa hasi zuenetik zibilen kontra egin duen bonbardaketa bortitzenetakoa izan da gaurkoa.
Ukrainar asko mezetara bidean ziren eztanda izan denean. Izan ere, gaur, Erramu Igandea, jai handia da eliza ortodoxoan ere.
Igor Klomenko Ukrainako Barne ministroak adierazi duenez, baliteke biktima kopurua handiago izatea oraindik.
Volodimir Artiuj eskualdeko gobernadoreak azaldu duenez, biktima gehienak jaurtigai horietako batek jotako autobus batean zihoazen, "luku-bonba" batek harrapatu ditu, Andriy Yermak Presidentetzako Bulegoko buruak baieztatu duenez.
Erasoaren ostean, Volodimir Zelenski presidenteak "irmoki erantzun" dezala eskatu dio munduari, gerra amaitu dadin, "lotsagabeek bakarrik egiten diete horrela eraso zibilei", salatu du.
"Errusiarren erasoek gaitzespena besterik ez dute merezi. Errusiari presioa egin behar zaio gerra amaitzeko eta herritarren segurtasuna bermatzeko. Indarrez ez bada presio egiten, Ukraina babestu ezean, Errusiak gerra hau luzatzen jarraituko du", azpimarratu du Telegramen.
Errusia Sumi eskualdearen aurkako erasoak areagotzen ari da
Sumi eskualdeak Errusiako Kursk probintziarekin muga egiten du, 2024ko abuztuan Ukrainako Armada sartu zen lurraldearekin, alegia.
Errusiak udaberriko erasoaldia hasi du berriki Sumi eta ondoko Kharkiv eskualdeen aurka, kontrola berreskuratzeko.
Donald Trump AEBko presidenteak Ukrainaren eta Errusiaren artekoa "ondo doala" uste duela esan eta biharamunean gertatu da erasoa.
Europar Batasunak eta NATOk gaitzetsi egin dute gertatutakoa
Europar Batasunak (EB) gaitzetsi egin du igande honetan Errusiak Sumi hiriaren aurka egindako bonbardaketa "zital" eta "kriminal" horren "ankerkeria", eta gerrak "Errusiak hala nahi duelako bakarrik" jarraitzen duela gaineratu du.
Espainiako Gobernuak, Frantziakoak eta Keir Starmer Erresuma Batuko lehen ministroak ere gaitzetsi dute erasoa. Azken horrek hauxe idazi du X sare sozialean: "izututa naukate Errusiak Sumiko zibilen aurka egindako eraso izugarriek, eta doluminak eman nahi dizkiet biktimei eta haien ingurukoei une tragiko honetan".
NATOk ere dolumina adierazi die ukrainarei: "Izugarria da Sumi erdialdean gertatutakoa, errusiar misil balistikoek dozenaka pertsona hil eta larriki zauritu dituzte. Gogoan dugu ukrainar herria, askorentzat sakratua den egun honetan", adierazi du NATOren bozeramaileak.
Albiste gehiago mundua
90.000 pertsona inguru elkartu dira Arizonan, Charlie Kirken omenaldi ekitaldian
Arizonan, State Farm futbol estadioan antolatu dute Charlie Kirken aldeko omenaldia. Irailaren 10ean hil zuten tiroz gazte ultraeskuindarra eta AEBetako toki guztietatik joandako 90.000 lagun elkartu dira hura omentzeko. Estadioak 70.000 lagunentzat du lekua, baina beste 20.000 eserleku ere jarri dituzte bertaratuei lekua egiteko. Segurtasun neurriak ikaragarriak dira estadio inguruan. Jende askok gaua ere inguruetan pasa du omenaldira joateko.
Netanyahuk esan du ez dela Palestinako Estaturik egongo, eta Palestina onartzen duten herrialdeak mehatxatu ditu
Benjamin Netanyahu Israelgo lehen ministroaren esanetan, ez da Palestinako Estaturik egongo, eta Erresuma Batuak, Kanadak, Australiak eta Portugalek iragarpena egin ondoren, Palestina onartzen duten herrialdeak mehatxatu ditu .
Erresuma Batuak, Kanadak, Australiak eta Portugalek Palestinako Estatua onartu dute
Bien bitartean, Benyamin Netanyahuk esan du ez dela Palestinako Estaturik egongo, eta mehatxatu egin ditu herrialdeak. Horrenbestez, NBEko 150 herrialdek onartzen dute jada Palestina ofizialki, Europar Batasuneko 14 tartean.
Palestinako Estatuaren onarpena giltzarri izango da ordu gutxi barru hasiko den NBEren 80. Batzar Nagusian
Erresuma Batuak, Kanadak, Australiak eta Portugalek igande honetan aitortu dute ofizialki Palestinako Estatua, goi-bileraren bezperan. Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
Ustelkeriak haserrea piztu du Filipinetan, eta protesta jendetsuak eta liskarrak izan dira
Protestek kaleak hartu dituzte Manila hiriburuan eta beste hiri batzuetan, herrialdean dagoen ustelkeria politikoa salatzeko. 'Bilioi bat pesoren martxa' deiturikoak erakunde erlijioso eta zibilak batu ditu, diru publikoa “lapurtu” izana salatzeko. Protesta gehienak baketsuak izan dira, baina zaurituak eta atxilotuak izan dira poliziaren kontrako istiluetan.
Honela ikusten dira Gazako bonbardaketak gauean
Israelek Gaza hiriaren aurkako erasoaldi militarrarekin jarraitzen du. Bonbardaketak ez dira eten. Leherketak oso urrunetik ikusten dira, gauez bereziki.
Errusiak "perbertsiorik gabeko" Eurovisionen jaialdi alternatiboa egin du
Errusiak "perbertsiorik gabeko" Eurovisionen jaialdi alternatiboa egin du. Errusiarekin ideologikoki bat egiten duten herrialdeek parte hartu dute Intervision musika jaialdian, 2022an Eurovisionetik kanporatua izan ondoren, “LGTBI eduki potentzial” guztietatik at. Vladimir Putin Errusiako presidenteak kultur nortasuna aldarrikatu du aurkezpen bideo batean. 11.000 ikusle baino gehiagoren aurrean, Duc Phuc vietnamdarrak irabazi du ekitaldia, Kirgizistan eta Qatar sailkatu dira ondoren.
Charlie Kirken hiletak tentsioa eta muturreko segurtasun neurriak eragingo ditu Glendalen
Donald Trump presidenteak berak hitz egingo du arratsaldeko ekitaldian, eta beste agintari garrantzitsu batzuk ere izango dira bertan.
Gutxienez 71 pertsona hil dituzte larunbat honetan Gazako Zerrendan
Israelek Gaza hirian lurreko erasoaldia hasi zuenetik izan den egunik gogorrenetako bat izan da gaurkoa. "Gerra hasi zenetik bizi izan ditugun unerik zailenetakoak bizitzen ari gara", ohartarazi dute Bautista Al Ahli ospitaletik.
Hamasek bahituen "agur-irudia" argitaratu du Israelen erasoaldiaren ostean
Hamas talde palestinarrak Gazan geratzen diren bahituen irudia zabaldu du, Israelgo Armadak Palestinako enklabean egindako erasoaldiaren ostean "agur esateko irudia" dela esanez. Horretan, 46 bahitu agertzen dira: 43 israeldar, 2 estatubatuar eta nepaldar bat.