Lavrovek ziurtatu du AEBkin Ukrainari buruzko "akordiorako prest" dagoela Kremlina
Errusiako Armadak Kieven azken hilabeteotako erasorik bortitzena —12 pertsona hil eta dozenaka zauritu ziren— egin eta biharamunean, Sergei Lavrov Errusiako Atzerri ministroak urak baretu nahi izan ditu. Bere hitzetan, Ameriketako Estatu Batuekin Ukrainari buruzko akordioa adosteko "prest" dago Kremlina, hainbat puntu doitzea falta zaizkiela aitortu arren. "AEBko presidenteak akordioa aipatu zuen eta gu prest gaude akordio horretarako, baina, oraindik, badira hainbat puntu zehatz doitu behar direnak. Horretan ari gara", esan du buruzagi errusiarrak, bart CBS News telebista katean egin dioten elkarrizketan.
Atzo Trumpek esan bezala, elkarrizketak "bide onetik" doazela erantsi du. "Trumpen iritzian, bide onetik doaz negoziazioak, eta arrazoi du". Galdetu dioten arren, ez du hartu-eman horiei buruzko xehetasunik aurreratu.
Bestalde, Vladimir Putin Errusiako presidenteak datozen egunotan Steve Witkoff AEBko Gobernuko ordezkariarekin aurreikusita duen bilerari buruz, Lavrovek berretsi du "zantzuak" badaudela batzar horrek emaitza onak emango dituela pentsatzeko. "Aurrena, Trump delako munduan buruzagi bakarra gatazka honen oinarrian dauden arrazoiak bideratzeko premia aitortu duena. Ukraina NATOn sartzea akatsa dela esan zuen, eta Bidenen Administrazioak oker jokatu zuela. Hori zuzentzea nahi du orain presidenteak", azaldu du.
Atzoko erasoei buruz, berriz, Atzerri ministroak defendatu du "helburu militarrei bakarrik" egiten diela eraso Errusiak. "Askotan esan du hori Putinek, eta oraingoan ere, hala egin dugu".
"Vladimir, ASKI DA!"
Kieven atzo izandako erasoen ondoren, Trumpek errieta egin zion Putini, eta erasoak gelditzeko eskatu. "Ez nago pozik Errusiak Kievi egindako erasoekin. Ez dira beharrezkoak eta une txarrean gertatu dira. Vladimir, ASKI DA! ", idatzi zuen agintari errepublikanoak Truth Social sarean.
Handik gutxira eskainitako agerraldian, "baikor" agertu zen, eta aditzera eman zuen Ukrainaren eta Errusiaren arteko akordioa ixtear egon daitekeela. Moskuk egindako "kontzesioak" aipatu zituen, gatazkaren "amaiera gertu" egon daitekeela esateko.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.