Prest da Kanada asteleheneko hauteskundeetarako, Carney ofizialista faborito dela
Hauteskunde orokor aurreratuak ospatuko dituzte astelehen honetan Kanadan. Justin Trudeau lehen ministroak albo batera egin izanak, eta, bereziki, Donald Trump AEBko presidenteak Kanadarekiko hartu duen jarrerak markatutako hitzordua izango da.
Izan ere, Trumpek behin baino gehiagotan aipatu izan du azkenaldian Kanada AEBren 51. estatu bihurtzearen aukera, eta, horrek, noski, bi herrialdeen arteko hamarkadetako harreman adeitsua kolokan jarri du. Giroa nahasten lagundu dute, halaber, Trumpek Trudeauren aurka egindako etengabeko erasoek eta ezarritako muga-zergek ere.
Hauteskunde-hitzordua, gainera, Vancouverren izandako harrapaketa masibotik ordu gutxira izango da. Ez da erraza aurreikustea, baina, zenbaterainoko eragina izango duen atzoko gertakariak bozketan.
Gutxi gorabehera 28 milioi kanadarrek dute botoa emateko eskubidea asteleheneko hauteskunde orokorretan, eta Parlamentuko Behe Ganberako 343 diputatuak aukeratuko dituzte. Eredu britainiarrean oinarrituta, kanadarrek ez dute zuzenean lehen ministroa nor izango den bozkatzen, nork bere barrutiko Komunen Ganberako diputatuak baizik. Eserleku gehien dituen alderdiari gobernua osatzeko gonbitea egiten zaio gero, eta alderdiaren buruzagiari Gobernuaren gidaritzan jartzekoa.
Aurten, deigarria da aurrez botoa eman dutenen kopurua; izan ere, 7,3 milioi pertsonak baino gehiagok eman dute dagoeneko botoa, 2021eko hauteskundeetan baino % 25 gehiagok.
Alderdi Liberaleko Mark Carney lehen ministroak eserlekuan jarraitzeko ahalegina egingo du. Martxoan hartu zuen kargua Carneyk, Trudeauk albo batera egitea erabaki eta liberalak hari-harian utzi zituenetik bi hilabetera.
Lehen ministroak bost puntuko aldea atera dio Pierre Poilievre kontserbadoreari azken inkestetan. Beraz, ez da baztertzen Parlamentuko gehiengoa emango lioketen 172 eserlekuak lortzea, CBC Kanadako telebista publikoak egindako inkesta baten arabera.
Parlamentuak gehiengoa lortu ezean, alderdi bozkatuenak 'konfiantza- eta hornidura-akordioa' bilatu beharko du beste alderdi batekin. Koalizioa barik, aliantza informal moduko baten alde egitea da litekeena; horren bidez, gobernuaren kide den alderdiaren oniritzia lortu beharko luke legeak onartzeko, eta legedia garrantzitsuagoetan —hala nola Gobernuaren aurrekontuetan— maniobra-marjina txikiagoa izango luke.
Bi hautagai nagusien oso atzetik dago inkestetan Jagmeet Singh Alderdi Demokratiko Berria alderdi progresistaren hautagaia, boto-asmoaren % 8rekin.
Bloke Quebectarra laugarren dabilke, eta soilik Quebeceko eskualde frankofonoan du ordezkaritza. Ordezkaritza lortzeko ia aukerarik gabe daude Alderdi Berdea eta Alderdi Popularra.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.