Israelek Khan Yunis ebakuatzea agindu du "terroristen" aurkako "aurrekaririk gabeko" erasoa egin aurretik
Israelgo Armadak ebakuazio-agindua eman die Khan Yunis hiriko biztanleei, Gazako Zerrendaren hegoaldean, "erakunde terroristen" aurkako "aurrekaririk gabeko eraso" bat egiteko asmoa duelako.
"Berehala mendebalderantz alde egin behar dute, Al Mawasi ingurura", adierazi du Avichai Adrai Israelgo Armadaren bozeramaileak X sare sozialean, "Khan Yunis gune arriskutsua da une honetatik aurrera, borrokak izango baitira", azpimarratu du.
"Erakunde terroristek hondamendi hori ekarri diete. Segurtasunagatik, berehala ebakuatu behar da", esan du. Azkenaldian salaketak ugaritu dira nazioartean, palestinarrak ebakuatzeko agindu ugari eman dituztelako eta erasoaldiaren ondorioz gero eta biktima gehiago dagoelako.
Bestalde, Benjamin Netanyahu Israelgo lehen ministroak adierazi duenez, Armadak "Gazako Zerrendako eremu guztiak" hartuko ditu, eta "gutxieneko" laguntza humanitarioa sartzen utziko du, kide diplomatikoek bizkarra eman ez diezaioten.
"Oso borrokaldi gogorrak, izugarri latzak, izaten ari gara, eta urratsak eman ditugu. Zerrendako eremu guztiak kontrolpean hartu behar ditugu, horixe egingo dugu", adierazi du Netanyahuk, Armadak sare sozialetan zabaldu duen bideo batean.
Era berean, agintariak jakinarazi du "gutxieneko" laguntza humanitarioa sartzen utziko duela Gazan, gosetea dela eta aliatuen babes militarra eta diplomatikoa gal dezakeelako bestela.
"Gure munduko lagun onenek, Israel sutsuki babesten duten senatariek, hau esaten didate: "Garaipena lortzeko beharrezko laguntza guztia ematen ari gatzaizkizu, armak, babesa, Segurtasun Kontseiluaren babesa. Baina gauza bat ezin dugu jasan, ezin ditugu gosetearen, gosete masiboaren, irudiak onartu", azaldu du Netanyahuk, AEBri erreferentzia eginez.
Netanyahuk adierazi du neurri horrekin Israelek "erabateko garaipena" lortuko duela Gazan, eta bere helburu nagusia bete: lurraldean agintzen duen Hamas erabat suntsitu.
Osasunaren Mundu Erakundeak (OME) aurreko astean jakinarazi zuenez, gutxienez 57 haur hil dira goseagatik iragan martxotik, eta egoerak berdin jarraituz gero, bost urtetik beherako 71.000 haurrek izan dezakete desnutrizioa.
Gutxienez 17 hildako Gazan azken orduetan
Era berean, gutxienez 17 pertsona hil dira azken orduetan Israelek Gazako Zerrendan egindako erasoetan, Armadak operazioa gogortu ostean.
Khan Yunisen izan dira eraso gogorrenak, Zerrendaren hegoaldean. Gerra hegazkinek Naser ospitalearen hornigai biltegia bonbardatu dute, eskualdean martxan dagoen azken ospitaleetako bat.
Nazioarteko erakundeek asteak daramatzate ohartarazten Gazan osasungintzarako hornidura falta dela, martxotik Israelek dena blokeatuta duelako.
Bestalde, The Times of Israel hedabidearen arabera, indar armatuak Khan Yunisen sartu dira gaur, batzuk emakume mozorrotuta, milizia baten buruzagia hiltzeko. Bere emaztea eta seme-alabak atxilotu egin omen dituzte.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.