Trumpek zurien aurkako "genozidioa" leporatu dio Hegoafrikari, Ramaphosa presidentearekin egindako bileran
Donald Trump AEBko presidentea otsailaren amaieran Volodimir Zelensky Ukrainako presidentearekin izandako liskarra errepikatzear izan da Etxe Zuriko Bulego Obalean, baina oraingoan Cyril Ramaphosa Hegoafrikako presidentearekin.
Ramaphosaren aurrean, Trumpek esan du Hegoafrikan "genozidioa" egiten ari direla nekazari zurien aurka, eta bertan, kazetariz inguratuta, bideo bat erakutsi dio.
Gainera, Washingtonek hainbat familiari errefuxiatu estatusa eman ostean afrikanerren gutxiengoa jasaten ari den "jazarpenaren" eta "genozidioaren" inguruko "azalpena" espero duela azpimarratu du AEBko buruzagiak.
"Jende asko oso kezkatuta dago Hegoafrikarekin (...) jazarria sentitzen den jende ugari dago", esan du Trumpek, Ramaphosarekin izandako bileran. Hegoafrikako agintariak handi-mandiari gogorarazi dio bere ordezkaritzako hainbat kide afrikanerrak direla, besteak beste, John Henry Steenhuisen Nekazaritza ministroa.
Bideo bat eta prentsako artikuluak
"Nekazari zurien genozidioa izango balitz, apustu egin dezaket jaun horiek ez liratekeela hemen egongo, nire Nekazaritza ministroa barne", adierazi du Hegoafrikako presidenteak. Trumpek ustezko jazarpen horren inguruko bideo bat eta prentsako artikuluak erakutsi dizkio.
"Gustatuko litzaidake jakitea hori non ari den gertatzen, ez baitut inon ikusi", azpimarratu du Ramaphosak, eta azaldu du Hegoafrikan krimenen ondorioz pertsona beltz gehiago hiltzen direla zuriak baino. Une horretan, bideoko irudietakoak "beltzak ez" direla aurpegiratu dio Trumpek presidente hegoafrikarrari.
Ia bost minutuko bideoa osorik ikusi behar izan dute Hegoafrikako ordezkariek, zeharo harrituta. Gainera, Etxe Zuriak X sare sozialean zabaldu du. Ustezko jazarpen horretaz gain, Julius Malema oposizioko politikaria agertzen da, afrikanerrei erreferentzia egiten dien kanta bat abesten.
Trumpek erantsi du ustezko jazarpenaren "milaka istorio" daudela horren inguruan, eta Elon Muskek iritzi bera azaldu du Bulego Obalean bertan.
Ramaphosak, aldiz, bere Gobernuak urte hasieran bultzatu duen nekazaritza politika defendatu du, eta gogorarazi du lurra birbanatzea besterik ez duela bilatzen, apartheid erregimeneko bidegabekerien ondotik.
Apartheid erregimen arrazistan (1948-1991), Hegoafrikako beltzei indarrez kendu zizkieten lurrak, eta gutxiengo zuriak bereganatu zituen. Hiru hamarkada geroago, zuriek lurraren % 90ren baino gehiagoren jabe izaten jarraitzen dute, nahiz eta biztanleriaren % 20 izan.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.