Oposizioa zatituta dagoela ekin dio Venezuelak hauteskunde egunari
Gaur, igandea, hauteskunde eguna dute Venezuelan. Asanblea Nazionaleko 285 kideak hautatuko dituzte, baita lurraldeetako kontseiluetarako hauteskundeak ere. Oposizioaren zatiketa da nabarmen. Prozesuan parte hartzea babestu dute batzuek; kontrara, iruzurra tarteko, hautagaitza aurkezteari uko egin diote gainerakoek.
"Iritsi da maiatzaren 25a, Venezuelak hautu demokratiko eta askea egingo duen eguna. 26 urtean egingo dugun 32. hauteskunde eguna da igande honetakoa. Venezuelan jaia da nagusi, herriak boterea eta burujabetza dituelako", nabarmendu du Nicolas Maduro jarduneko presidenteak.
Madurok nabarmendu du 24 gobernadore, Asanblea Nazionaleko 285 kide eta lurraldeetako kontseiluetako 260 legegile aukeratuko dituztela.
"Bozkatzen duenak bere estatuko agintariak hautatuko ditu. Bozkatzen duenak herria defendatuko duen Asanblea Nazionala aukeratuko du, subiranotasun nazionala, bakea, barne egonkortasuna, ekonomiaren susperraldia eta guztion oparotasuna. Boto-emaileak beren eskubide kontituzionalaz baliatu ahal dira", azaldu du.
Hartara, Madurok eskatu du "familian bozkatzea", eta herriak hauteskundeetan parte har dezala, "bakearen eta bizitzaren alde", "Venezuela hobe bat lortzeko" eta "nazioaren egonkortasuna xede".
Guztira, 21.485.669 pertsona daude hautetsontzietara deituta. Horretarako, 15.736 hautesleku ireki, eta 27.713 mahai jarri dituzte.
Bozketa hasi aurretik, oposizioko hautagai ohi Henrique Caprilesek Venezuelako Gobernuak "disidentziaren aurka" izandako azken jokabideak salatu ditu, "oposizioko alderdietan haserrea eta zatiketa areagotzea" bilatzen dutela iritzita.
Bitartean, oposizioko buru Maria Corina Machado hauteskundeetan parte hartzearen kontra agertu da, eta "Ez" biribil bat argitaratu du X sare sozialean duen kontuan, beste ezer esan gabe.
Arrakala sortu dute oposizioan hauteskundeek, Henrique Capriles agintari ohiak, Juan Requesens diputatu ohiak eta Zulia estatuko presidente Manuel Rosalesek osatutako taldeak (gutxiengoa dute) hautagaitza aurkeztu baitute, PUD Plataforma Unitario Demokratikoari entzungor eginda.
Venezuelak uztail amaieran egin zituen azken hauteskundeak. Orduko hauteskundeak zalapartatsuak izan ziren, oposizioak eta haren alde lerratu ziren nazioarteko hainbat herrialdek salatu baitzuten "iruzurra" egon zela, eta benetako garailea Edmundo Gonzalez zela aldarrikatu zuten.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.