Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
Maale Adumin kokalekua, Jerusalem ekialdean. Argazkia: Europa Press
Israelgo Ministroen Kontseiluak lege estatusa eman die gaur Zisjordania iparraldeko 19 kokalekuri, tartean Ganim eta Kadim kolonoguneei. Nazioarteko legediaren arabera, kokalekuak legez kanpoak dira, eta horietako batzuk Israelgo Armadak berak desegin zituen 2005ean, Gazako Zerrendatik erretiratzeko prozesuaren baitan.
Maiatzean, Espainiak, Norvegiak eta Irlandak Palestinako Estatua aitortu zutenean, eremuetara itzultzeko baimena eman zien Armadak kolonoei. Gaur beste pauso bat eman du, eta legeztatu egin ditu.
"20 urteren ostean, bidegabekeria mingarria konpontzen ari gara Ganim eta Kadim kokalekuen mapan berriro txertatuta", azpimarratu du Bezalel Smotrich Israelgo Finantza ministroak. Smotrichek berak eta Israel Katz Atzerri ministroak bultzatu dute kokalekuen politika.
Gogora ekarri duenez, Israelek 69 kolonogune legeztatu ditu azken hiru urteotan, denak Zisjordanian. "Marka guztiak hautsi ditugu", erantsi du pozik. Smotrichen esanetan, "Israelgo herria bere lurraldera itzultzen ari da, hura berreraikitzen eta kontrola bereganatzen. Sionismo sinple, zuzen eta morala da honakoa".
X sarean partekatutako mezu batean nabarmendu duenez, "estatu palestinar terrorista ezartzea" saihestu nahi dute erabaki horiekin.
Gaur egun, 500.000 kolono bizi dira Zisjordaniako lurralde okupatuetan, eta 200.000, berriz, Jerusalem ekialdean.
Hamasek eta Palestinako beste erakunde batzuek Israelen jarrera kolonialista salatu dute
Hamas Erresistentzia Islamikoaren Mugimenduak ohar batean salatu duenez, kokalekuak legeztatzea Israelen "beste urrats kolonialista bat da, anexio progresiboaren politika sendotzen duena". Horren ustez, Netanyahuren gobernuak Palestinako lurraldea "arpilatu" nahi du "gure herriaren eskubide historiko eta legalak" urratuz.
Bestalde, Muayad Shaban Palestinako Harresi eta Kokalekuen Erresistentziarako Batzordeko buruak adierazi du erabakiek Israelen "benetako okupazio asmoak agerian" uzten dituztela, hau da, "Palestinako anexio, apartheid eta judaizazio sistema osoa sendotzea" helburu duela.
Shabanen arabera, kokalekuak "nazioarteko zuzenbidearen eta NBEren Segurtasun Kontseiluaren ebazpenen kontrakoak dira, bereziki 2334 Ebazpenaren kontrakoak".
Zure interesekoa izan daiteke
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.