AEBko Auzitegi Gorenak legez kanpokotzat jo ditu Trumpek ezarritako muga-zergak
Ebazpen honen ondorioz, inportazioak garestituta kaltetu diren milaka enpresak auzitara jotzeko aukera izango dute, eta dirua itzultzea eska dezakete.
Trumpek bere lehen muga-zergak iragarri zitueneko irudiak. Argazkia: EFE
AEBko Auzitegi Gorenak ebatzi du Donald Trump presidenteak ezin zituela alde bakarrez ezarri 2025eko apirilean iragarritako muga-zergak, eta legez kanpokotzat jo ditu, ostiral honetan emandako epai batean. Sei epailek alde eta hiruk kontra bozkatu dute, eta, horrela, AEBko Gorenak bertan behera utzi du AEBko Administrazioak 1977ko Nazioarteko Larrialdietarako Botere Ekonomikoaren Legean (IEEPA, International Emergency Economic Powers Act) oinarrituta egin zuen interpretazioa.
Epaileen gehiengoak argi esan du lege horrek ez diola presidenteari muga-zergak ezartzeko eskumenik ematen. IEEPAk nazioarteko transakzioak arautu edo debekatzeko tresnak aurreikusten ditu larrialdi egoeretan, baina ez du berariaz aipatzen zergak edo aduana-eskubideak ezartzeko ahalmena. Are gehiago, Auzitegi Gorenak nabarmendu du horrelako neurriak hartzeko Kongresuaren baimen “argia eta zehatza” behar dela.
Epaia Trumpek bere bigarren agintaldian bultzatu duen politika ekonomikoaren kolperik handienetako bat da, muga-zergak bere estrategiaren ardatzetako bat bihurtu baititu. AEBko hainbat estatu eta enpresak auzitara jo dute jada, Trump bere eskumenetatik harago joan zela argudiatuta. Auzitegi askok zalantzan jarri zuten larrialdietarako lege horren erabilera, eta auzia Gorenera iritsi da azkenean.
Itzulketen gatazka, ate-joka
AEBko presidenteak urtarrilaren erdialdean ohartarazi zuen Gorenak muga-zergen aurka egingo balu "erabateko hondamendia" izango litzatekeela, AEBko Gobernuak "hainbat bilioi dolar" itzuli beharko lituzkeelako.
Ebazpen horren ondorioz, inportazioak garestituta kalteak izan dituzten milaka enpresak auzitara jotzeko aukera izango dute, eta dirua itzultzea eska dezakete.
Europaren erantzuna
Europar Batasuna aztertzen ari da Auzitegi Gorenaren epaia, eta harreman estua du AEBko Administrazioarekin. Hala ere, ez du baztertzen Donald Trumpek neurri berriak hartzea, eta Atlantikoaren bi aldeetako enpresek ziurtasuna eta egonkortasuna behar dutela azpimarratu du.
Muga-zergen erretiroaren eragina berehala nabaritu da merkatuetan: Europako burtsek gora egin dute erabakiaren berri izan ostean; Milangoak % 1,48 egin du gora, eta Pariskoak marka ezarri du, % 1,39 igota.
Zure interesekoa izan daiteke
Hungariak Orbanen aroa ixteko aukera izango du igandean
Peter Magyar liberalak (inkestetan faborito argia da) garaipen sendoa behar du lehen ministro ohiak 16 urteko agintaldian altxatutako egiturak aldatzeko.
'Orion' ontzia itsasoratu da jada, eta amaitu da Artemis II misioa, 50 urtean Ilargira egindako lehen bidaia
Lau astronautak (Reid Wiseman, Victor Glover, Christina Koch eta Jeremy Hansen) osasun egoera onean daudela baieztatu du NASAk.
Artemis II misioko astronautak prest dira 02:07an Kaliforniako kostaldearen parean itsasoratzeko
Hego Euskal Herriko 02:07an, NASAren aurreikuspenen arabera, San Diegoko (Kalifornia) kostaldean itsasoratuko da Orion espazio ontzia.
Ekuadorrek % 50etik % 100era igoko ditu Kolonbiako inportazioen muga-zergak, merkataritza-gerra gogortuz
Noboaren gobernuaren arabera, "segurtasun nazionala" bermatzeko hartu dute erabakia, eta "erantzukizun partekatua indartzea du helburu, mugan narkotrafikoaren presentziari aurre egiteko". Petroren ustez, neurri hori "gehiegikeria" da, eta "errespetua" eskatu du "narkotrafikoak eraildako 200.000 kolonbiarrentzat".
Israelek iragarri du Hezbollahko buruzagiaren idazkaria eta iloba hil duela
Hildakoa Ali Yusef Harshi da, Naim Qassemen iloba.
Iranek itxi egin du Ormuzko itsasartea, hainbat orduz irekita egon ondoren
Itsasartea irekita egon da hainbat orduz. Itsasoko trafikoa monitorizatzen duten plataformek mugimenduak atzeman dituztela adierazi dute. Hala ere, Israelek Libanori egindako erasoaren ostean, Irango agintariek berriro etenarazi dute petrolio-ontzien nabigazioa, Guardia Iraultzailearekin lotutako Fars agentziak jakinarazi duenez.
Milaka indigena Brasiliara iritsi dira, 2026ko Lur Librea Kanpamentuan parte hartzeko
Brasilgo indigenek martxa bat egin dute Brasilgo Kongresu Nazionalera euren eskubideak aldarrikatzeko, Brasilian urtero egiten duten kanpaldiaren testuinguruan.
Israelek gutxienez 250 pertsona hil ditu Libanoren aurka egindako "erasorik handienean", su-etena izan arren
AEB eta Iranen artean bitartekari lanak egin dituen Pakistanen arabera, Libanori ere eragiten dio tregoak. Benjamin Netanyahu Israelgo lehen ministroak, ordea, akordiotik kanpo utzi du herrialdea.
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.