Muga-zergen inguruko jarrera "irmoa" erakutsi du Trumpek, % 10eko muga-zerga globala ezarriko lukeen aginduarekin
AEBko presidenteak agerraldia egin du ostiral arratsaldean, eta epaia "guztiz etsigarria" dela esan du. Trumpek esan du "lotsatu" egiten dela "Auzitegi Goreneko zenbait kiderekin, gure herriarentzat zuzena dena egiteko adorerik ez dutelako".
Donald Trump, AEBko presidentea. Artxiboko argazkia: EFE
Donald Trump AEBko presidenteak prentsaurrekoa eskaini du ostiral honetan, eta AEBko Auzitegi Gorenaren epaia "erabat etsigarria" dela esan du. Muga-zergen inguruan "irmo" agertu da Trump, eta, % 10eko muga-zerga globala ezarriko lukeen agindua sinatuko duela aurreratu du. Gehienez, 150 egunez egon liteke indarrean. Neurri hori, esan duenez, "hiru egun barru" sartuko da indarrean.
Trumpek adierazi duenez, 1974ko Merkataritza Legearen 122. atalaren babesean sinatuko luke agindua, eta egun indarrean dauden muga-zergei gehituko litzaizkieke. “Agindu bat sinatuko dut % 10eko muga-zerga globala ezartzeko 122. atalaren arabera, dagoeneko ezarrita dauden muga-zergez gain. Era berean, gure herrialdea beste herrialde eta enpresa batzuen jardunbide komertzial desleialetatik babesteko neurriak aztertuko ditugu, 301. atalari jarraiki”, esan du Trumpek.
Araudiari esker, AEBko presidenteak % 15erainoko muga-zergak ezarri ahal izango dizkie ordainketa arazoekin zerikusia duten herrialde guztiei, gehienez 150 egunez. Horretarako, gainera, ez du aparteko baimenik behar.
Errepublikanoak prentsaurrekoa eskaini du arratsaldean Etxe Zurian, eta muga-zergak ezartzeko gaitasunari buruzko epaia "guztiz etsigarria" dela azpimarratu du. Ildo horretatik, AEBko Auzitegi Goreneko kide batzuez lotsatzen dela esan du, "gure herriarentzat zuzena dena egiteko adorerik ez izateagatik". Era berean, Trumpek esan du atzerriko herrialdeak epaia ospatzen ari direla, baina ez luzaroan.
Auzitegi Gorenak legez kanpokotzat jo ditu Nazioarteko Larrialdietarako Botere Ekonomikoen Legearen pean ezarritako muga-zergak, eta ebatzi du lege hori baliatuta gainditu duela bere agintea.
"Alternatibak ditugu, alternatiba bikainak", esan du errepublikanoak, irmo, muga-zergak AEBko ekonomiarentzat eta kanpo politikarentzat onuragarriak direla ziurtatuta. Hala, helburu horrekin beste aukera batzuk baliatuko dituela gaineratu du: "Diru gehiago jasoko dugu eta askoz indartsuagoak izango gara horri esker".
Trumpek azaldu duenez, muga-zergen ezarpena konplexuagoa egingo duten hiru lege baliatuko ditu horretarako, eta, Gorenaren erabakia gorabehera, politika ekonomikoarekin jarraitzea ahalbidetuko diote: "Prozesu luzeagoa da. Gauzak sinplifikatzen saiatu naiz, baina ez digute utzi".
Ostiral honetan iragarritako % 10eko muga-zerga, beraz, 150 egunez baino ezin izango da indarrean egon, eta merkataritza-jarduera desleialei buruzko ikerketek hilabeteak behar izaten dituzte. Legez kanpokotzat jo diren muga-zergei dagokienez, Trumpek ziurtatu du ez dagoela argi dirua itzultzerik dagoen, ezta noiz bueltatuko litzatekeen ere. Gainera, auziak urteak iraun ditzake.
Zure interesekoa izan daiteke
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, "inor ez dago salbuetsita" zeharkako zigorren jomuga izatetik Teheranekin negoziatzen badu.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.
Ebolak dagoeneko 2.642 hildako eta 5.514 kasu baieztatu eragin ditu Kongoko Errepublika Demokratikoan
Bestalde, 808 paziente isolatuta edo ospitaleratuta daude, eta 1.200 lagun sendatu egin dira. Ebola Kongoko sei probintziatan zabaltzen ari da, eta hilkortasun-tasa % 47,9koa da.
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.