Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
Mette Frederiksen lehen ministro daniarraren ezkerreko blokeak hauteskunde legegileak irabazi ditu, Danimarkako Parlamentuan, 84 diputatu lortuta. Emaitza horrek, halere, akordioak egitera behartuko du gobernatzen jarraitu nahi badu, gehiengoa 90 eserlekutan baitago. Etorkizuneko gobernuaren giltza Moderatuek izango dute. Alderdi zentristak 14 eserleku lortu ditu, eta erabaki beharko dute Frederiksenen alde egin ala eskuineko blokearen alde (77 eserleku).
Guztira, ezkerreko blokea osatzen duten alderdiek 12 eserleku galdu dituzte, batez ere Alderdi Sozialdemokratak izan duen beherakadagatik. Danimarkako alderdirik indartsuena da oraindik ere, baina nabarmen ahuldu da hauteskunde hauetan. Alderdi Sozial Liberala (Radikale Venstre), Ezker Berdea alderdi sozialdemokrata, Aliantza Gorri-Berdeko ekosozialistak eta Alternatiba alderdi europarzalea dira blokea osatzen duten gainerako alderdiak.
“Gustatuko litzaidake Alderdi Sozialdemokratak beste emaitza bat lortu izan balu, baina hau ondo dago”, adierazi du Frederiksenek.
Eskuineko blokea
Ezkerreko blokearen 84 diputatuen aurrean, eskuineko alderdiek —Alderdi Liberala (Venstre), Aliantza Liberala, Kontserbadoreak eta beste hiru alderdi— 77 diputatu izango dituzte Danimarkako behe ganberan.
Hala, gehiengo argirik ezean, Moderatuak —zentroko alderdia— giltzarri izan daitezke, 14 eserlekurekin, eta erabaki beharko dute Frederiksenen ezkerreko blokearen alde egin ala eskuinaren alde.
Bestalde, itsasoz haraindiko lurraldeei dagokienez, Faroe Uharteetako bi eserlekuak Faroe Uharteetako Alderdi Sozialdemokrataren eta Alderdi Unionistaren artean banatu dira, bana bloke bakoitzarentzat. Groenlandian, berriz, boto gehien lortu dituen alderdia ezkerreko eta independentista den Inuit Komunitatea (IA) izan da.
Zure interesekoa izan daiteke
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioak egiten espezialdua den eliteko unitate militarra— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.