"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.
NASAren "Artemis II" misioa arrakastaz irten da asteazken honetan Floridako Kennedy Espazio Zentrotik, eta bidaia historiko bati ekin dio. Astronautak Ilargiaren orbitara itzultzea du helburu, Apolo azken misioa egin eta mende erdira. Orion kapsulan, Space Launch System (SLS) suziri indartsuak bultzatuta, lau astronauta doaz 10 eguneko misio batean, eta ez dago Ilargian lurreratzerik aurreikusita.
Jaurti eta hamar bat minutura, ontzia Lurraren orbitara iritsi da, eta 24 ordu inguru emango ditu bertan, tripulazioak sistema gakoen probak egiten dituen bitartean. Dena aurreikusitakoaren arabera badoa, ontziak Ilargirantz jarraituko du lau egunez luzatuko den bidaian.
NASAko Reid Wiseman, Victor Glover eta Christina Kochek osatzen dute tripulazioa, Jeremy Hansen kanadarrarekin batera. Misioa bere aniztasunagatik nabarmentzen da: Glover ilargiaren orbitara bidaiatuko duen lehen astronauta beltza izango da, Koch hori egingo duen lehen emakumea eta Hansen mota honetako misioan parte hartuko duen lehen ez-estatubatuarra.
Jaurtiketan, arazo txiki batzuk izan dira. Besteak beste, Orion ontziaren komuneko sisteman arazo bat, baina kontrolatzea lortu dute. Horrez gain, hegazkina aireratu ondoren, komunikazioetan arazo bat izan da. Bi akats horiek identifikatu egin dira, eta konpontzeko prozesuan daude, misioaren garapena arriskuan jarri gabe.
Aurreikusitako plana betetzen bada, astronautak Ilargiaren alde ezkutura iritsiko dira datorren apirilaren 6an, espazio sakonean urrutien bidaiatu duten gizakiak bilakatuta, Lurrarekiko 400 000 kilometroko distantzia gaindituz.
"Artemis II" Artemis programaren bigarren urratsa da, 2022ko tripulaziorik gabeko hegaldiaren ostean. NASAren aurreikuspenen arabera, etorkizuneko misioek gizakia Ilargira itzultzea ahalbidetuko dute 2028an, eta Ilargian etengabe egoteko oinarriak ezarriko dituzte, etorkizunean Martera egingo diren misioei begira.
Zure interesekoa izan daiteke
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
Iranek ukatu egin du su-etena proposatu duenik eta Trumpen adierazpenak "faltsuak" direla esan du
Trumpek sare sozialetan iragarri du Iranek su-etena eskatu duela eta eskaera aintzat har dezakeela Ormuzeko itsasartea irekitzea ahalbidetzen badu.
Hainbat hildako eta zauritu Israelek Beiruten egindako eraso olde baten ondorioz
Duela hilabete inguru Israel eraso gogorrak egiten hasi zen Libanon, airez ez ezik, baita lurrez ere. Orotara, 1.200 pertsona baino gehiago hil ditu bertan Israelgo armadak, eta 3.700, zauritu. Gainera, milioi bat lagunek utzi behar izan dute euren etxea.
“Artemis II” aireratzear dago: gizateria Ilargira itzularaziko duen misioa
Artemis II ontzia Floridatik jaurtiko dute, asteazken honetan, arratsaldeko 18:24ean, Euskal Herrian gauerdia dela. Misioak astronautak Ilargiaren orbitara itzultzea ekarriko du, mende erdian lehen aldiz.
Ormuz indarrez hartzeko deia egin die Trumpek aliatuei
Etxe Zuriak agerian utzi du itsasartea irekitzea ez dela erasoaldi militarraren lehentasuna eta Erresuma Batuak iragarri du Ekialde Hurbilean presentzia handituko duela. Bestalde, Iranek Google, Microsoft eta beste hainbat enpresa teknologiko mehatxatu ditu.
100.000 tona petrolio dituen Errusiako petrolio-ontzi bat iritsi da Kubako Matanzasko portura
Hiru hilabete baino gehiago petrolio kargamenturik jaso gabe egon ondoren, 740.000 petrolio upel dituen Errusiako petrolio-ontzi bat iritsi da Kubara. Kargamentuak 250.000 diesel upel egiteko balioko du, eta 12 bat egunerako herrialdearen eskariari erantzutea ahalbidetuko du.
Israelek lege bat onartu du palestinarrei heriotza-zigorra ezartzeko
Israelgo Parlamentuak onartutako lege-erreformak onartu du heriotza-zigorra ezartzea hilketa terroristaren errudunei, baina giza eskubideen aldeko erakundeek salatu dute praktikan palestinarrei soilik aplikatuko zaiela.
NASAk "Artemis II" misioaren atzerako kontaketa abiatu du, eta jaurtiketarako "bikain" dagoela esan du
50 urteren ondoren, astronautak ilargiaren orbitara itzultzea du helburu misioak, eta dena prest dute biharko jaurtiketarako.
Hiru kasko urdin hil dira Libanon, Iranen aurkako gerrak 32 egun bete dituenean
Nazio Batuen Erakundeko Libanoko Bitarteko Indarreko (FINUL) bi militar indonesiar hil dira astelehen honetan Marjaayounen, Libano hegoaldean, jaurtigai batek haien autoaren kontra jota. Igandean beste kasko urdin indonesiar bat hil zen, egile ezezaguneko beste eraso batean, FINULen arabera.