Berrikuntzekin dator "Eguraldia" saioa, euskal ikus-entzuleen erreferente izaten jarraitzeko asmoz
Itxuraldatuta eta euskal ikus-entzuleen erreferente izateko helburuarekin ekin dio denboraldi berriari ETBko "Eguraldia" saioak astelehen honetan (irailak 12). Berrikuntza nagusia platoan antzemango dugu: 6,5m x 3,5m neurriko pantaila erraldoia izango dute, eta, alboan, mugikorretara eta sare sozialetara egokitutako pantaila bertikal bat. Horrez gain, iragarpenak egiteko mapak berritu dituzte. Punta-puntako teknologiaz baliatuko dira egunean eguneko informazio beharretara moldatzeko eta saioaren irudia indartzeko.
Uda honetan aurkezle taldera batu den Arnaitz Fernandez meteorologoarekin batera, Andoni Aizpuru eta June Ansoleaga arituko dira aurkezle lanetan, baita Zuriñe Zulaika tartearen zuzendaria ere.
Meteorologiaren inguruko informazioa zehaztasunez, hurbiltasunez eta profesionaltasunez eskaintzen jarraituko dute, gertaera bortitzei arreta berezia eskainiz. Herritarrek momentuan momentuko egoera zein den jakin ahal izango dute Euskal Herrian barrena kokatutako web-kameren bitartez.
Aldaketa klimatikoaren gaiak ardatz izaten jarraituko du. Adituen laguntzaz, gertakari meteorologikoak aztertuko dituzte eta arlo bakoitzean egiten ari diren azken ikerketen eta aurrera pausuen berri emango dute.
"Eguraldia" saioko lan taldea goizean goiz hasiko da lanean, ETB1eko "Egun On Euskadi" saioan lehen iragarpena eskainiz. Eguerdian eta gauean, ohiko ordutegian zabalduko dute leihoa, "Gaur Egun" eta "Teleberri" albistegien ondoren.
Meteorologiaren inguruko edukiei zabalkundea emateko atal berriak izango dituzte, eta ikus-entzuleek esparru horretako profesionalak ezagutuko dituzte sare sozialen bitartez. Astronomiaren arloari ere erreparatuko diote, eta munduan barrena bizi diren euskaldunekin bat egingo dute, tokian tokiko klimaz eta bitxikeriez hitz egiteko. Horrez gain, asteburuetan familia planak eta ibilaldiak egiteko proposamenak eskainiko dituzte.
Joan den urtean Ekin klimarekin Durangon izandako arrakastaren ondotik, era honetako kale ekimenak antolatzen jarraituko dute herritarrengandik gertu egoteko.
Albiste gehiago eguraldia
Abisu horia ezarri dute ostegunerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.
Giro nahasi eta freskoarekin abiatuko dugu astea, baina asteazkenean udako giroa itzuliko da
Gaur eta bihar zeru hodeitsuak eta zaparradak izango ditugu, 22º-ko tenperatura maximoekin. Asteazkenean udako giroan murgilduko gara, bete-betean murgildu ere. Dena dela, ez du luze joko, izan ere, ostegunean bertan izango ditugu bueltan euria eta tenperatura freskoak.
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.
Fronte hotz batek giroa freskatu eta bustiko du
Zaparrada mardulak bota ditzake zenbait lekutan. Astelehenean eguraldia aldakorra izango da, eta asteartean atertzera joko du.