Hotza, euria eta elur-kotaren jaitsiera astebururako
Elur-kota jaisten joango da eta euriaren intentsitatea ere aldatzen joango da.
Eguraldiak negu itxura hartuko du asteburuan, euria maiz egingo du, elur-kota nabarmen jaitsiko da eta tenperaturak behera egingo du, batez ere igandetik aurrera.
Azken egunetako eguraldi ezegonkorraren ondoren, ostiralean hobera egingo du eguraldiak, pixka bat bada ere. Eguna lainopean eta bustitik hasiko da, eta goizean oraindik euri apur bat egingo du. Egunak aurrera egin ahala, atertzera egingo du, ekialdetik hasita, eta hodeiak saretuz joango dira; mendebaldean, ordea, hobekuntza motelagoa izango da.
Arratsaldean, ostarteak eta hodeiak tartekatuko dira, tenperaturak antzera mantendu edo pixka bat igoko dira, eta ipar ipar-ekialdeko haizeak indar pixka bat hartuko du tarteka. Elur-kota 1.000-1.200 metro inguruan kokatuko da.
Larunbatean, euri gehiago
Larunbatean, giro ilunagoa eta euritsuagoa izango dugu, bereziki eguerditik aurrera. Goizean goizetik, fronte hotz batek hodeiak ugarituko ditu, eta zirimiri apur bat egingo du isurialde atlantikoan. Eguerdi aldera iritsiko da frontea, eta euria lurralde osora zabalduko da; arratsalde-gau partean, gainera, zaparradak izango dira. Elur-kota pixkanaka jaisten joango da, eta 1.000 metro inguruan kokatuko da egunaren amaieran.
Igandean, hotza izango da protagonista, neguko tenperaturekin. Zaparradak noiznahi ager daitezke, baina batez ere egunaren lehen zatian izango dira sarriagoak; arratsaldeak aurrera egin ahala, ostarteak zabalduko dira. Elur-kota 700-900 metrora jaitsiko da, eta baliteke zenbait tokitan are beherago egotea. Iparraldeko haizeak hotz sentsazioa areagotuko du, eta ez da baztertzen Araban eta Nafarroan izotza egitea.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.