Adio udaberri giroari
Aldakor hasiko da astea. Goiz hodeitsua izango da astelehenekoa, eta euri apur bat egin dezake isurialde atlantikoan, gutxi bada ere. Goiz beranduan, baina, haizea aldatuko da, eta argitzera egingo du denean. Arrasti argitsua egingo du, beraz, ostarte zabalekin.
Tenperaturari dagokionez, ez da aldaketa handirik espero. Gehienez ere 17 gradu neurtuko dira Baionan; 16, Bilbon; 15, Donostian; 14, Gasteizen, eta 16, Iruñean.
Astearterako iragarri dute egunik eguzkitsuena. Ostera ere, egunotako joerari helduko dio eguraldiak, zeruak erabat garbi utziz eta tenperatura fresko baina atseginak ekarrita. Goizetik egongo dira zeruak oskarbi, behe laino hondarren bat salbu. Tenperaturak koska bat egin du gora, bi gradu inguru. Horrela, 17 gradura helduko dira termometroak kostaldean, eta 17-18 gradura barnealdean.
Goibel dator, aldiz, asteazkena. Udaberria atzean utzita, udazken giro betean murgilduko gara. Fronte hotz batek ipar-mendebaldeko haizea ekarriko du, zakar. Argitzearekin batera hasiko da euria egiten, gogotsu gainera, eta ez du egun osoan etenik emango. Kostaldean egingo du gehien.
Tenperaturak ere makal ibiliko dira. Asko jota, 15 gradura iritsiko dira kostaldean, eta 13ra barnealdean.
Ostegunean ere, ildo beretik jarraituko du eguraldiak, arratsalderako atertzera egingo duen arren.
Badirudi, ordea, ostiralean berriro argiuneak ikusiko ditugula eta ateri eutsiko diola, guardasolen beharrik gabe. Tregoa laburra izango da, baina, ostiralekoa, astebururako euria baitator atzera.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.