Iggy Popek Realaren euskarazko ereserki bat ezagutarazi dio munduari BBCn
Iggy Pop abeslari entzutetsuak euskara eraman du BBCra, eta Realaren ereserki ospetsuenetako bat ezagutarazi dio munduari.
Hain zuzen ere, artista estatubatuarrak "Bultzada" Brigade Loco Bergarako taldearen abestia gomendatu du BBCn astero duen saioan, Iggy Confidential izenekoan.
Abesti horrek realzaleen harrotasuna du hizpide, eta izenburuak Aitor Zabaleta harmailan dagoen animazio talde nagusiari egiten dio aipua.
Ereserkia Anoeta estadioan jartzen dute Realaren partidetan, eta realzaleen artean txalotuenetakoa da.
Hitzik esan barik, Iggy Popek "Bultzada" abestia jarriz eman dio hasiera bere saioari, eta, ondoren, aitortu du ez dituela hitzak ulertzen, baina horren soinu irmoa duela gustuko. Are gehiago, doinu horiek Social Distortion punk talde estatubatuarra gogora ekartzen diotela gaineratu du.
Hori horrela, Brigade Loco taldea Iggy Popen aste honetako tracklist-ean agertu da, musikaren munduko hainbat izarrekin batera, Alice Coltrane, Bob Dylan eta Miles Davis ondoan dituela.
Albiste gehiago ikusmiran
1 Formulako pilotuek LEGO piezekin egindako autoen erreplikekin desfilatu dute Miamin
Miamiko lasterketa hasi aurretik, 20 pilotuak LEGO piezekin egindako autoekin atera dira pistara. Auto bakoitza LEGOko 400.000 pieza inguru erabiliz eraikia da, eta taldeek benetako dekorazioa eta babesleak dituzte.
Benetan berreskuratu al dute otso erraldoia, ala espezie berria sortu dute?
Colossal Bioscience enpresak dio otso erraldoiaren otsokumeak direla Romulo, Remo eta Khaleesi. Hala ere, adituek diote horiek ez direla duela 10.000 urte desagertutako espezieko kumeak, genetikoki eraldatutako otso grisarenak baizik, otso erraldoiaren gene batzuekin sortuak.
Duela 13.000 urte desagertutako 'otso izugarria' berreskuratzea lortu dute
Colossal Biosciences konpainiak dioenez, espezie horretako bi kume sortzeko gai izan da, fosiletan aurkitutako DNAtik eratorritako aldaketa genetikoen bidez. Romulo eta Remo dute izena, eta sei hilabete dituzte.
Munduko iceberg handienak Hego Georgiako uhartearen parean hondoa jo du, hainbat urtez noraezean ibili ondoren
A23a munduko iceberg handiena eta zaharrena da, eta Hego Georgiako uharte subantartikotik —pinguinoen paradisua— 73 kilometro ingurura hondartu da, bost urtez noraezean egon ostean, 2020tik. Adituek aurreikusi dute itsasaldiaren eta olatuen eraginez apurtuko dela.
Huelvako dendari batek pistola batekin armatutako lapurra oihuka bota du saltokitik
Lepeko denda bateko segurtasun-kamerak grabatu du gertakari bitxia. Antza denez, saltzailea berehala ohartu da pistola plastikozkoa zela.
Platanoa paretari itsatsita, 6,2 milioi dolarrean saldu den arte pieza
Erosleak fruta-pieza, hari eusten dion zinta itsaskorra eta benetakotasun-ziurtagiria jasoko ditu. Maurizio Cattelan artista kontzeptualaren Comedian lanak artearen mundua banatu zuen 2019an.
40 urteren ostean, datorren astean egingo dute azken Volkswagen Poloa Nafarroako lantegian
Bere nortasun ikurra, Volkswagen Polo autoa, aterako du Nafarroako lantegiak bere ekoizpen lerroetatik. Datorren astean izango da, jada izendatutako autoaren azken modeloarekin. Hori dela eta, erakusketa bat antolatu dute Polo berezienekin.
Suge bat agertu da Gernikako garaje batean
Bizkaiko Suhiltzaileek aditzera eman dutenez, suge bat agertu da Mestikabasoko garaje batean, Gernikan. Abisuan suge-gorri bat zela esan dieten arren, pozoirik gabeko suge bat zela esan dute suhiltzaileek eta aske utzi dute animalia.