iPhone 'merkea': Applek errotik aldatuko ote du estrategia?
Kalifornian (AEBak) 10:00ak direnean (Espainian, 19:00etan) teknologia zale asko eta asko pantailari itsatsita izango dituzte begiak; izan ere, Applek, Tim Cook buru duen multinazionalak, show bikoitza iragarri du gaurko, 2013ko irailaren 10erako. Aldi berean egingo dute AEBetan (Cupertino) eta Alemanian (Berlin).
Iraila askotan aukeratu du Applek produktu berriak merkaturatzeko, eta oraingoan zer produktu berri erakutsiko dituzten bota dute dagoeneko hedabide espezializatuek: Iphone 5aren ondorengoa (Iphone 5S), Iphone "merke" bat eta sistema eragilearen hurrengo eguneratzea (Ios 7).
Hedabideetako adituen arabera, Iphone 5Sa, Iphone 5 iaz aurkeztu zuten mugikorraren ondorengoa, aurkeztuko dute, seguru. Ohiko zuriaz eta beltzaz gain, telefono honetarako, kolore gehiagoko karkasak aukeratu ahalko direla uste dute, konpainiak hizpide dugun ekitaldirako kazetariei bidali dien gonbidapenean oinarrituta; izan ere, bertan, kaliforniar enpresaren logo mitikoa, haginkada bat hartu duen sagarra, kolore askoko atzealde baten aurrean ikusten da. Halaber, egungo modelokoa baino bateria handiagoa eta datuak biltzeko edukiera handiagoa izango dituela ere uste dute.
Adio esklusibitateari?
Hala ere, hautsak gehien harrotu dituena Iphone merkeagoen balizko iragarpena izan da. Smartphone-ak jende gehiagoren eskura jarri nahi ditu, itxura denez, enpresak, eta horregatik hartu du estrategia hori.
Hainbat informazioren arabera, Iphone berri eta merkeago hauek (Iphone 5C izena eman diete) maila altukoak baino kolore gehiagotan erosi ahalko dira, baina, noski, ezaugarri murritzagoak izango dituzte (plastikozkoak izango ei dira). Antza denez, Txinako merkatuan sartu nahiak ekarri du politika aldaketa hau, azkenaldian sagarraren konpainiak ez baitu bertan arrakasta handirik jaso.
Telefono merke baten aldeko apustu honek goitik eta behera aldatuko luke Steve Jobs zenak sortutako konpainiaren estrategia. Orain arte, esklusibitatea eta maila altuko gailuen berrikuntzan oinarritu da.
'Poltsiko guztietarako' sakelakoak saltzeak lehiakorragoa egin lezake Apple, batez ere Samsumgekin duen lehia irabazte aldera; baina era berean, orain arte landutako irudia mila zatitan puska lezake.
iPhone merke honez gain, oso litekeena da Applek bere hurrengo sistema eragilearen (Ios 7) eguneratzeren bat aurkeztea. Udaren aurretik aurkeztu zuten, baina oraindik ez dago erabilgarri, eta laster jaitsi ahal izango da.
iWatch eta Apple TV-ren aurkezpena, beste baterako
Aurkezpenerako ordu gutxi falta direla, adituek baztertu egin dute Applek erloju eta telebista adimenduak aurkezteko aukera.
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.