Twitter burtsan kotizatzen hasiko da gaur
Twitter sare soziala New Yorkeko burtsan kotizatzen hasiko da gaur. Hain zuzen ere, 70 milioi akzio jarriko ditu salgai, 26 dolarretan bakoitza. Horrela, 1.820 milioi dolar irabazi nahi ditu.
New Yorkeko burtsak 09:30ean (15:30, Euskal Herrian) hasiko du saioa, baina Twitterren akzioak handik eta ordubetera jarriko dituzte salgai, kotizatzen hasten diren enpresekin gertatu ohi den bezala.
Kaliforniako konpainiak irailean abiatu zuen kotizatzen hasteko prozedura, teknologiaren sektoreko enpresa batek egindako inportanteena, iazko maiatzean Facebook Wall Streetera iritsi zenetik.
Nolanahi ere, Facebook Nasdaq merkatu teknologikoan sartu zen, eta Twitterrek, aldiz, New Yorkeko burtsan egingo du.
Twitterrek 200 milioi erabiltzaile aktibo ditu hilean, eta horiek 500 milioi mezu publikatzen dituzte egunero. Sare sozialaren diru-sarrera nagusia publizitatea da.
Sare sozialaren erabiltzaile gehienak AEBtik kanpo bizi dira, baina diru-sarreren % 80 herrialde horretan lortzen ditu.
Urteko lehen hilabetean, Twitterrek 253,6 milioi dolarreko diru-sarrerak izan ditu, iazko epe berean baino % 107 gehiago. Dena dela, guztira 69,3 milioi dolarreko galerak izan ditu.
Ekainaren 30eko datuak oinarri hartuta, konpainiak 2.000 langile ditu, 2010. urteko urtarrilean baino 1.800 gehiago.
Facebooken porrota
Twitter baikor da, baina burtsan duen adibide gertukoena, Facebookena, ez da itxaropentsu egoteko modukoa.
Sare sozial hori iazko maiatzaren 18an hasi zen kotizatzen, txalo eta ospakizunen artean, baina, lehenengo 12 hilabeteetan, porrot egin zuen. Izan ere, konpainia 100.000 milioi dolarreko balioarekin iritsi zen Wall Streetera, eta, urtebetean, balio horren % 30 galdu zuen.
Gainera, Twitter ez bezala, Facebook errentagarria zen kotizatzen hasi zenean.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.