Abian da Araba Encounter topaketa informatikoa
Ostiral goizetik abian da Araba Encounter hitzordu teknologikoa. Igandera arte, euren ordenagailuak hamar gigabit segundoko abiadura ultra-azkarrean konektatuko dituzten 400 pertsona bildu dira Gasteizko Iradier Arena aretoan. Antolatzaileek esan dutenez, asteburu honetan mila bisitari baino gehiago erakartzeko asmoa dute.
Iradier Arena aretoan bildu diren pertsona guztiek lehiaketetan parte hartzeko aukera izango dute, baita ezagutzak elkar trukatu eta arte digital, bideo-joko, software libre eta hardware ataletako ekintza ugariez gozatu ere.
Gainera, publiko mota guztiei zuzenduriko hitzaldi eta tailer egitarau zabala prestatu dute, hasiberri zein adituentzat, eta gai asko jorratuko dituzte: web garapena, lan-dinamikaren hobekuntza hodeian, telefono adimentsuen erabilera optimizatua, bideo-jokoak eta argazkigintza, besteak beste.
Aurtengo berrikuntza nagusiei dagokienez, bi gune prestatu dituzte informatika gogoko duten zaleentzat. Gauzak horrela, inoiz baino leku eta doako jarduera ireki gehiago egongo dira aretoaren kanpoko eraztunean kokatu den ‘Opengune’ eremuan. Gune horrek hitzaldiak eta tailerrak hartuko ditu, baita 3D inprimagailua eta errealitate birtuala frogatzeko eremua.
Guztira, 400 ordenagailu baino gehiago konektatuko dira segundoko hamar gigabiteko abiaduran, eta etxeetako konektibitatea nabarmen gainditzeko aukera egongo da Gasteizen.
Bilduko diren pertsona gehienak Gasteiztarrak dira, baina Bizkaitik eta Gipuzkoatik datozenak ere badira. Gainera, Kantabriatik, Errioxatik eta Aragoitik etorritako zaleak hurbildu dira Iradier Arena aretoan.
Araba Encounter euskal informatika-partyen sarearen barne dago, Gipuzkoa Encounter bilkurarekin eta Euskal Encounter topaketarekin batera. Azken hori Espainiako informatika-festa handiena da, eta 6.000 lagun baino gehiago biltzen ditu urtero Barakaldoko BEC erakustazokan (Bizkaia).
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.