Blablacar zigortu dute Madrilen, zerbitzu publikoa eskaintzeagatik
BlaBlaCar, erabiltzaile ezberdinek ibilgailu bakarra partekatzea helburu duen zerbitzua, zigortu dute Madilen. Madrilgo Erkidegoak ohar baten bidez jakinarazi duenez, “zerbitzu publikoa eskaintzeko baimenik ez izateagatik” zigortu dute aurrenekoz Europan konpainia hori.
Madrilgo Erkidegoaren arabera, BlaBlaCarrek ez du inolako baimenik zerbitzu publikoa eskaini ahal izateko, eta ondorioz, 8.000 euroko zigor larria ipini diote konpainia frantsesari.
Era berean, konpainia horrek 800 euro ordaindu beharko ditu zerbitzu publikoa iragartzeagatik (horretarako baimenik izan gabe).
Zehazki, BlaBlaCar konpainiak Lurreko Garraioen Antolaketari Buruzko Legearen 140.2 eta 141.7 artikuluak urratu dituela esan du Madrilgo Erkidegoak.
Beste alde batetik, zerbitzu horretako bi gidari zigortu ditu Erkidego horrek, zerbitzu hori eskaini ahal izateko baimenik ez zutelako. Bakoitzari, 4.000 euroko isuna ezarri dio Madrilgo Erkidegoak.
“Espainian indarrean dagoen legea aldatu gabe jarraitzen duen bitartean, konpainia horrek eskaintzen duen zerbitzua ilegala izaten jarraituko du”, azaldu du Pablo Rodriguez Madrilgo Erkidegoko Garraio saileko zuzendari orokorrak.
BlaBlaCarren jarrera
BlaBlaCar konpainiaren arabera, aldiz, zerbitzua eskaintzen duen herrialde bakoitzean indarrean dagoen legea errespetatu du beti eta tokiko administrazio arduradunekin lan egin du.
Espainian duela sei urte hasi zirela zerbitzu hori eskaintzen. Denbora honetan, “3.000.00 erabiltzaile baino gehiago” izatera heldu direla gaineratu du BlaBlaCar konpainiak, eta inoiz ez dietela inolako zigorrik jarri nabarmendu du. Azkenik, presentzia duen beste 21 herrialdeetan ere ez dietela zigorrik ezarri esan du BlaBlaCarrek.
Zure interesekoa izan daiteke
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.