Pantaila handiak eta kamera bikoitzak dituzten mugikorrak nagusi, MWCn
Mugikorraren aurreko alde osoa betetzen duten pantailak, kamera dualak, begiko irisa antzemateko sistemak eta ohikoak ez diren materialekin egindako sakelakoak aurkeztuko dituzte gaur Bartzelonan hasi den Mobile World Congress 2017 biltzarrean. Martxoaren 2ra arte antolatu dute.
Mugikorrez gain, "jantzi" daitezkeen gailuen arloan eta "Gauzen Interneta" deritzon esparruan (konektatutako autoak, batez ere) dauden berrikuntzak ere protagonista izango dira. Halaber, 5G teknologiaren erakustaldia ere egingo dute.
Galaxy Note 7 telefonoen bateriek emandako arazoen ondorioz Samsumg etxeak Galaxy S8 mugikor berriaren merkaturatzea atzeratu duen arren, beste hainbat ekoizlek Bartzelonako jardunaldi hauetan aurkeztuko dituzte berrikuntzak: Huawei, Lenovo-Motorola, LG, Nokia, HTC eta Sony.
4K erresoluzioa eta kurba duten pantailak ikustea espero dute analistek kongresuan, baita hainbat funtzio dituzten kamera bikoitzak ere.
Esate baterako, HTC, Lenovo eta Xiaomi enpresek atzeko kamera erabili dute, bigarren planoaren desfokuratze mailakatua izan dezaketen argazkiak ateratzeko. LGk, era berean, kameretako batean angeluhandia duten lenteak jarri dituzte; Huaweik, berriz, argitasuna hobetu du.
Bestalde, begiko irisa antzemateko sistemak ere aurkeztuko dituzte azokan, mugikorretarako sarbidea mugatzeko segurtasun-urrats esanguratsua, alegia. Gainera, orain arte mugikorren ekoizleek erabili ez dituzten materialak nola ezartzen ari diren ere azalduko dute.
Carles Garrigues Bartzelonako UOC Unibertsitateko adituak nabarmendu duenez, zeramikak abantaila ugari ditu. Izan ere, sendoa izateaz gain, ukimen berezia du eta antena erraz gorde daiteke gailuan, ez baitu seinaleak interferentziarik eragiten. Hori bai, ekoizpen-gastu garestiak dituenez, oso modelo esklusiboetan soilik erabiltzen dela azaldu du.
Errealitate birtualak eta 360 gradutako edukiek gora egin dute
Ben Wood CSS Insight etxeko analistak 'selfie' berri bat iragarri du: 'surrondie' izeneko argazkia. Nork bere buruari ateratako argazkia da, baina protagonistez gain, ingurune guztia ere hartzen du irudiak.
Arlo horretan, Woodek aurreratu duenaren arabera, 360 graduko kamera duen telefono adimentsua iritsi daiteke 2017an.
"Janzten" diren tresnei dagokienez, Google konpainiaren Android Wear 2.0 plataforma eta ZTEren erloju adimentsu berria ez ezik, Quartz, Huawei eta LG etxeen nobedadeak ere espero dituzte.
"Gauzen Internet" esparruak ere izango du tokia MWC azokan. Zenbait konpainiak egindako aurrerapenak azalduko dituzte, honako arlo hauetan: automozioa, banketxeak, osasuna, nekazaritza eta eraikuntza.
Konektatutako kotxeak izango dira protagonista nagusiak sektore horretan. Ford, BMW, Seat, Mercedes edo Volkswagen markek mugikortasuna kudeatzeko sistemetan, autoek ingurunearekin duten interakzioan eta gidatze autonomoan egindako aurrerapenak erakutsiko dituzte.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.