Albisteen “story”-ak erabilgarri daude jada Googleren sakelakoetarako bertsioan
Googlek eduki informatiboa duten “story”ak egiteko zerbitzu bat kaleratu du, irudiak, testuak eta bideo laburrak nahasteko aukera emanez. Otsailaren 13tik aurrera probatu ahalko da edozein webguneetan, eta edozein gailu mugikorretik egongo da eskuragarri. eta ikusgai edozein gailu mugikorrean.
Googlek zortzi hedabideren laguntza izan du zerbitzua garatzeko: CNN, Condé Nast, Hearst, Mashable, Meredith, Mic, Vox Media eta The Washington Post.
“Story” informatiboak Googleren AMP (Accelerated Mobile Pages) kode irekiko ekimenaren barruan sartzen dira. Tresna horrek mugikorrentzako plataformetara zuzendutako edukiak erakusteko aukera ematen die hedabideei, irudi eta bideoak eta testu laburrak uztartuz.
Urteak joan urteak etorri, informazioa kontsumitzeko modua aldatu egin da. Googlek garatzaileentzat duen blogean azaldu du zertarako sortu duen zerbitzu berria: “Erabiltzaileek testu ugari duten artikulu asko ikusten dituzte gailu mugikorren bidez, baina gutxi irakurtzen dituzte sakonean”. AEBko enpresaren ustez, elementu bisualek —irudiek, bideoek eta grafikoek— irakurleak erakartzen eta eduki batekiko interesa pizten lagun dezakete.
Edozein komunikabideren web-orrialdeko HTML kodean txertatu ahalko dira AMP “story”ak eta webguneko edozein orrialdetatik sortu ahalko dira horietara bideratzeko estekak.
Edukiak sortzeko tresna hau erabilerraza izatea nahi du Googlek, eta, asmo horrekin, aurretik zehaztutako plantillak —aldagarriak—, erabiltzaile-interfazerako kontrol estandarizatuak eta eduki gehiago erantsi eta partekatzeko osagaiak integratu ditu. Funtzio hori asteartean, otsailaren 13an, hasita egongo da eskuragarri horren webgunean, nahi duten guztientzat. Gainera, Googlek tutorial bat jarri du bere web-orrialdean, horri buruzko azalpenak emateko.
Irakurleek “story”ak eskuragarri izango dituzte Googleren mugikorretarako bilaketetan. Erabiltzeko, g.co/ampstories URL-an sartu behar da, mugikorreko nabigatzailearen bitartez, eta komunikabidearen izena idatzi behar da bilaketa-barran.
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.