World Wide Web: zer da eta nola funtzionatzen du
World Wide Webaren 30. urteurrena da gaur, Tim Bernes-Leek webaren oinarriak jasotzen zituen iruzkin bat aurkeztu baitzuen gaur hiru hamarkada.
World Wide Weba ez da Interneten sinonimoa, baizik eta horren parte bat. Iñaki Regidor EiTBko Sistema zuzendariak azaldu duenez, Internet sareen elkarrekiko lotura da; World Wide Weba, ordea, “Interneten alderik ikusgaiena edo ospe handiena” duena da.
Internet osatzen duten zerbitzuen artean, World Wide Webak erakusleihoaren funtzioa betetzen du. Euskal talde multimediaren Sistema arduradunaren esanetan, “egiten duguna erakusteko bide bat da”.
Nola funtzionatzen du?
Regidorren arabera, World Wide Webak informazioa elkartrukatzeko protokoloa du oinarri, HTML kodearen bidez -informatika lengoaia unibertsala-, eta horretan hainbat erabiltzailek parte hartzen dute: zerbitzari batean zenbait webgune ikusgai jartzen dituzten pertsonak zein nabigatzaile bat (Google Chrome, Safari, Internet Explorer eta Mozilla Firefox, esaterako) erabiltzen dutenak.
Hortaz, oinarria “nabigatzaileek interpretatzen duten lengoaia bat” dela zehaztu du Regidorrek. Izan ere, nabigatzaileak etiketa multzo horiek irakurtzen ditu, hots, zerbitzari bakoitzean sartzen den lengoaia, erabiltzaileak informazio hori pantailan ikus dezan.
Mugikorreko aplikazioen etorria
Regidorren ustez, sakelako telefonoen aplikazioak eta mugikorretara egokituta dauden webguneak “guztiz osagarriak” dira: “batak ez du bestea hil”. Telebistak irratia, eta irratiak egunkariak hil ez duen bezala, mugikorreko aplikazioek webguneak hil ez dituztela azpimarratu du.
Bestalde, aplikazioek funtzionalitate zehatz batzuk World Wide Webak baino hobeto betetzen dituztela aipatu du. GPS bidezko geolokalizazioa, adibidez, zehatzagoa da mugikorreko aplikazioetan.
Zure interesekoa izan daiteke
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.