World Wide Webak 30 urte bete ditu
Tim Berners-Lee zientzialariak gaur egungo Wold Wide Webaren oinarrizko ideiak aurkeztu zituen 1989ko martxoaren 12an, Ikerketa Nuklearrerako Europako Erakundean (CERN). Hori dela eta, webaren jaiotzaren 30. urteurrena da gaur.
1980ko ekainean hasi zen Bernes-Lee CERNen lan egiten. Han, zientzialarien artean informazioa elkartrukatzeko zenbait oztopo zeudela konturatu zen; besteak beste, ordenagailu ezberdinetan banatutako datu kantitate handia eta horiek lortzeko saioa ireki behar izatea.
Mike Sendall zientzialariak onarpena eman ondoren, eta bi berrikuste pasatu eta gero, britainiarrak proiektuaren proposamen formala egin zuen, 1990ko azaroan, Robert Cailliau Belgikako ingeniari industrialarekin batera.
Datuak antolatzeko, horiek eskura egoteko eta zabaldu ahal izateko, proiektuaren helburua edukiak estekatu zitzakeen informazio sistema bat sortzea zen.
Proiektua aurrera eramateko, World Wide Webean lan egin zuen zientzialari taldeak gaur egun webaren zutabeak diren osagaietan oinarritu ziren: HTML lengoaia, webguneak sortzeko erabiltzen den kodea; HTTP protokoloa, Interneten informazioa trukatzeko metodorik ohikoena; eta URLak, webeko edukiei egokitzen zaizkien helbideak.
1993ko apirilaren 30 ere inportantea da webaren garapenari dagokionez, egun horretan World Wide Webaren ezaugarriak publiko egitea erabaki zuelako CERNek.
Maila guztietako iraultza
World Wide Webaren sorrerak informazioa eskuratzeko modua eta horren tratamendua guztiz aldatu zituen. Iñaki Regidor EiTBko Sistemetako zuzendariaren esanetan, “iraultzailea” izan zen.
Euskal komunikazio taldeko sistemen arduradunak zientzia eta ikerketa esparruak nabarmendu ditu, urrun bizi diren zientzialariek informazioa denbora errealean trukatu ahal dituztelako: “EHUn, Leioako campusean, egiten ari diren ikerketak AEBen, Japonian edota Filipinetan dauden adituekin egiaztatu ahal dira”.
Zure interesekoa izan daiteke
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.