Twitterrek abisuak jarriko ditu koronabirusari buruzko eduki faltsuetan
Twitter sare sozialak astelehenean iragarri zuenez, hemendik aurrera erabiltzaileei ohartarazpenak agertuko zaizkie COVID-19ari buruzko informazio faltsua edo engainagarria duen eduki baten aurrean egonez gero; hain zuzen ere, erabiltzaileek abisu bat ikusiko dute eduki susmagarri horien azpian. Horrez gain, Twitterrek uste badu eduki jakin horretan agertzen den informazioa are larriagoa dela, ezkutatu egingo du, eta muturreko kasuetan, baita ezabatu ere.
Hala, inteligentzia artifizialak edo Twitterreko giza egiaztatzaileek zein haien enpresa elkartuek "kaltegarria" izan daitekeen koronabirusari buruzko edukia atzematen badute, engainagarria delako edo dagoeneko gezurtatua izan delako, egiaztatutako informaziorako esteka bat gehituko diote eduki horri, "Informa zaitez COVID-19aren gertakariez" oharrarekin.
Eduki horiek kaltea eragiteko ahalmen "larria" badute, ezkutatu egingo dira, eta horien ordez honako beste mezu hau azalduko da: "Txio honetan partekatutako edukiaren zati bat ez dator bat osasun publikoko adituek COVID-19ari buruz emandako jarraibideekin". Hala gertatzen denean, erabiltzaileak espresuki eskatu beharko du jatorrizko edukia ikusi nahi duela.
Alerta mekanismo hori astelehen honetan, maiatzak 11, aktibatu zen. Hala ere, Twitterrek bere blog ofizialean ziurtatu zuenez, prozedura berri hau martxan jarri aurretik argitaratu ziren txioei ere aplikatuko zaie.
Aipatu funtzionamendua ez da berria; izan ere, enpresa otsailetik ari da erabiltzen bere sare sozialean agertzen diren "multimediazko eduki sintetiko eta manipulatuekin". Oraingo honetan, COVID-19ari buruzko informazioetan hasiko da aplikatzen aipatu sistema, eta, etorkizunean, gainerako edukietara zabaltzeko asmoa dauka.
Koronabirusaren pandemiak areagotu egin du Twitterren, Facebooken, Instagramen edo YouTuberen gainean zegoen presio politiko eta soziala, bertan partekatzen diren edukiak moderatzeko eta albiste faltsuen eta konspirazio-teorien hedapena saihesteko.
EiTBk, koronabirusaren inguruan sortzen diren faltsuei aurre egiteko asmoz, #Koronabuloak ekimena jarri du martxan, eta egitasmo horretan Radio Euskadiko La Mecanica del Caracol programan parte hartzen duen komunitate zientifikoa, EiTBk Maldita.es webgunea (Maldito Bulo atalaren bidez) eta VOST Euskadi elkartea (Euskadiko Boluntario Digitalen Elkartea) ditu bidelagun.
Albiste gehiago teknologia
"Arazo teknikoek" zapuztu dute Mark Zuckerbergen betaurreko adimendunen aurkezpena
Mark Zuckerberg Metako zuzendari exekutiboak aurkeztu ditu Meta Ray-Ban Display betaurreko adimendunak. Aurkezpen ekitaldian, erreminta berriaren akatsak izan dira protagonista. Zuckerbergek, lotsatuta, wifi konexioari egotzi dizkio betaurreko adimendun berrien akatsak.
TikToken algoritmoa salmentaren gako, AEB eta Txinaren arteko negoziazioetan
Aste honetan Madrilen merkataritza negoziazioen laugarren erronda egin ondoren, bi potentziek "akordio esparru" bat lortu zuten TikToken inguruan. Gomendioen motorra nork kontrolatzen, mantentzen eta eguneratzen duen zehaztea da puntu erabakigarria, hori baita TikTokek Estatu Batuetan duen arrakastaren (150 milioi erabiltzaile) gakoetako bat.
Urriaren 15ean inauguratuko dute Europako superordenagailu kuantiko indartsuena, Donostian
Hasiera batean aurreikusita zegoen Ikerbasqueren Donostiako campusak IBMren Quantum System One bat hartzea, baina akordioa eguneratu ondoren System Two bat izango dute, multinazional teknologikoaren "harribitxia", hain zuzen ere.
Robotak, korrikan, futbolean eta talkaka Txinako roboten olinpiadetan
Txinak giza itxurako Roboten Munduko Jokoak inauguratu ditu. Hiru egunetan zehar, adimen artifizialean eta robotikan egindako aurrerapenak erakutsi nahi ditu, 16 herrialdetako 280 talderen parte-hartzearekin. Atletismoan eta mahai-tenisean lehiatzeaz gain, beste erronka batzuk ere izango dituzte, sendagaiak sailkatu, materialak manipulatu eta garbiketa-lanak ere egin beharko baitituzte.
BEC ordenagailuz eta informatikazale amorratuz beteko da berriro uztailaren 24tik 27ra
Estatuko 'lan party' handienak eta Europako garrantzitsuenetako batek 4.000 ordenagailu eta dozenaka stand hartuko ditu, eta teknologia berriak, berrikuntza eta kultura digitala maite dituzten 5.000 pertsona bilduko ditu lau egunez.
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.