Signal eta Telegram aplikazioen arrakasta ekarri du Whatsappen politika berriak
Izugarri hazi da azken egunetan Signal eta Telegram mezularitza aplikazioen erabilera, Whatsappek iragarri zuenetik datuak Facebookekin partekatuko zituela eta Kapitolioan izandako istiluen ondotik.
App Storen (Apple) eta Google Playn (Android) gora egin dute nabarmen bi app horien deskargek AEBn, bereziki, Parler mezularitza aplikazioa itxi zutenetik (ultrakontserbadoreen artean zuen arrakasta) eta Donald Trump zein beste agintari batzuen sare sozialetako kontuak itxi zituztenetik.
Urtarrilaren 6tik 10era, 7,5 milioi erabiltzailek jaitsi dute Signal mundu mailan, dela Android sistema eragilerako, dela iOSerako, Sensor Towerrek emandako datuen arabera.
Telegram, berriz, 5,6 milioi erabiltzailek deskargatu dute epe beren, Apptopiaren arabera.
Horren aurrean, Whatsappek argitu du mezuek enkriptatuta jarraituko dutela, eta ez duela Facebookekin edukirik partekatuko, ezta kontaktuak ere. Hala eta guztiz ere, Whatsappen zenbait metadatuz baliatuko da Facebook. Horrekin lortu nahi dutena da merkataritza elektronikoarekin eta publizitatearekin lotutako zerbitzuak hobetzea.
Gauzak horrela, otsailaren 8tik aurrera, orain arte munduko mezularitza aplikazio arrakastatsuena izan denak (2.000 milioi erabiltzaile ditu) ez dio erabiltzaileari, orain arte bezala, datuak Facebookekin partekatzeko aukera errefusatzeko bide emango.
EiTBk ere badu bere albiste kanala Telegramen
Euskal Irrati Telebistak bere albiste-kanalak estreinatu zituen azaroan Telegramen: EITB ALBISTEAK eta EITB NOTICIAS. Horrela, bada, Euskal Herrian eta munduan gertatu den guztiaren azken ordukoaren berri dute erabiltzaileek sakelako telefonoan, tabletean edo ordenagailuan.
Albiste gehiago teknologia
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.
Segurua al da Signal? AEBk gerra planak aztertzeko erabili duen aplikazioaren erradiografia
Mezularitza aplikazio honek zeresana eragin du azken egunetan, Trumpen Administrazioak nahi gabe kazetari bat sartu baitzuen gerra planak partekatzen zituen txat zifratu batean.
Horrelakoa da Quantum System Two, IBMren ordenagailu kuantikorik aurreratuena
Eusko Jaurlaritzak eta IBMk iragarri dute Europako lehen IBM Quantum System Two ordenagailua instalatuko dutela Donostian. Sistema kuantiko horrek 156 kubiteko IBM Quantum Heron prozesadore bat izango du, erabilgarritasun-eskalara iristeko diseinatua dagoena.