Nola indartu WhatsAppeko pribatutasuna?
WhatsApp mezularitza aplikazioak informazioa zure telefono zenbakia duen edonorekin partekatzea ahalbidetzen du berez. Pribatutasun berrezarpenak aldatuta saihestu dezakezu hori. Hauxek dituzu egin ditzakezun aldaketa guztiak, atalez atal:
Profileko argazkia eta informazioa
Aplikazioaren hasierako berrezarpenak aldatzen ez badira, edonork ikusi ahal izango du zure profileko argazkia, informazioa eta azkenekoz zein ordutan konektatu zaren. Nork ikusi ahal duen aldatu nahi baduzu, pribatutasun aukeretan hauta dezakezu: erabiltzaile guztiek, agendako kontaktuek edo inork ere ez. Komeni da kontaktuetara mugatzea profila ikusteko aukera.
Irakurtze baieztapena
Aplikazioak berez uzten die beste erabiltzaileei ikusten euren mezuak irakurri dituzunetz. Aukera hori desaktibatzen bada, zeuk ere ezingo duzu ikusi besteek zure mezuak irakurri dituzten. Halere, hainbat egoeratan desaktibatzea komeni da.
Egoerak
WhatsAppeko egoerak zerbitzuen bidez, bideoak, irudiak edo testua publikatu eta 24 ordutara ezabatzeko agindua eman dezakezu. Zure kontaktu guztiek ikus ditzakete horiek, baina aplikazioaren berrezarpenetan aukera daiteke nork ikus ditzakeen eta nork ez.
Taldeak
Zure zenbakia duen edozein erabiltzailek sartu ahalko zaitu WhatsAppeko talde batean. Edonoiz atera zaitezke talde batetik eta hori ezabatu. Hobe da erabakitzea nork sartu zaitzakeen talde batera. Gainera, WhatsAppek aukera ematen du talde bat salatzeko, bertan partekatzen diren edukiak desegokiak edo spama direla uste baduzu.
Erabiltzaileak blokeatu eta salatzea
Erabiltzaile bat blokea dezakezu, nahi izanez gero. Ondorioz, ezingo dizu idatzi, deitu edo zure egoerak ikusi, ezta azkenekoz noiz konektatu zaren eta konektatuta zauden ikusi ere. Halere, talde berean bazaudete, haren mezuak jasotzen jarraituko duzu.
Erabiltzailea salatzea ere lagungarria izan daiteke, partekatzen duena spama edo eduki desegokia bada. Horrela, WhatsAppek horren profila bertan behera uztea erabaki dezake. Apikazioak debekatu egiten du eduki lizunak, iraingarriak eta gordinak partekatzea.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.