Enpresek ezingo dituzte dei komertzialak mugikorren zenbakiak erabilita egin
Aurrerantzean, enpresek ezingo dituzte telefono mugikorren zenbakiak erabilita dei komertzialak egin. Gaur sinatu du Espainiako Gobernuak agindu berria, eta hiru hilabete dituzte enpresek horretara egokitzeko. Helburua da telefonia eta mezularitza bidez identitatea ordezkatzen duten deiak eta mezuak amaitzea.
Neurri horrekin batera, beste hainbat ere onartu ditu gaur Eraldaketa Digitalerako eta Funtzio Publikoko Ministerioak, Telekomunikazioen Lege Orokorrean txertatzeko. Asteon argitaratuko da agindua Estatuko Aldizkari Ofizialean, eta hortik aurrera, 20 eguneko epean indarrean egongo da.
____________________________________________________
Erlazionatutako edukia: Spam deien negozioa
____________________________________________________
Kazetarien aurrean egindako adierazpenetan, Oscar Lopez Eraldaketa Digitalerako eta Funtzio Publikoko ministroak eman du arauaren berri. Jakinarazi duenez, telefonia operadoreek ere betekizun berriak izango dituzte: berea ez den zenbaki batetik enpresa bat deiak egiten ari dela atzematen dutenean, behartuta egongo dira dei horiek blokeatzera. Identitatea ordezkatzen ari dela ulertuko da.
Halaber, blokeatu egin beharko dituzte Espainiako Estatutik deitzen ari diren itxura egin, baina egiaz atzerriko herrialderen batetik egiten ari diren deiak (roaming deiak ez). Izan ere, hainbat enpresek Herbehereetatik edota Erresuma Batutik egiten dituzte dei komertzialak, baina Espainiako zenbakiak erabilita.
Mezularitzari ere eragingo dio gaur izenpetutako aginduak. Mezu idatziak bidaltzeko telefono zenbakien ordez kode alfanumerikoak erabiliz gero, mezu horiek ere blokeatu egin beharko dituzte telefonia konpainiek, betiere, kode alfanumerikoak erregistratuta ez badaude Balore Merkatuaren Batzordean.
Legea ez betetzeak 2 milioi eurora arteko isunak ekar ditzake.
Albiste gehiago teknologia
"Arazo teknikoek" zapuztu dute Mark Zuckerbergen betaurreko adimendunen aurkezpena
Mark Zuckerberg Metako zuzendari exekutiboak aurkeztu ditu Meta Ray-Ban Display betaurreko adimendunak. Aurkezpen ekitaldian, erreminta berriaren akatsak izan dira protagonista. Zuckerbergek, lotsatuta, wifi konexioari egotzi dizkio betaurreko adimendun berrien akatsak.
TikToken algoritmoa salmentaren gako, AEB eta Txinaren arteko negoziazioetan
Aste honetan Madrilen merkataritza negoziazioen laugarren erronda egin ondoren, bi potentziek "akordio esparru" bat lortu zuten TikToken inguruan. Gomendioen motorra nork kontrolatzen, mantentzen eta eguneratzen duen zehaztea da puntu erabakigarria, hori baita TikTokek Estatu Batuetan duen arrakastaren (150 milioi erabiltzaile) gakoetako bat.
Urriaren 15ean inauguratuko dute Europako superordenagailu kuantiko indartsuena, Donostian
Hasiera batean aurreikusita zegoen Ikerbasqueren Donostiako campusak IBMren Quantum System One bat hartzea, baina akordioa eguneratu ondoren System Two bat izango dute, multinazional teknologikoaren "harribitxia", hain zuzen ere.
Robotak, korrikan, futbolean eta talkaka Txinako roboten olinpiadetan
Txinak giza itxurako Roboten Munduko Jokoak inauguratu ditu. Hiru egunetan zehar, adimen artifizialean eta robotikan egindako aurrerapenak erakutsi nahi ditu, 16 herrialdetako 280 talderen parte-hartzearekin. Atletismoan eta mahai-tenisean lehiatzeaz gain, beste erronka batzuk ere izango dituzte, sendagaiak sailkatu, materialak manipulatu eta garbiketa-lanak ere egin beharko baitituzte.
BEC ordenagailuz eta informatikazale amorratuz beteko da berriro uztailaren 24tik 27ra
Estatuko 'lan party' handienak eta Europako garrantzitsuenetako batek 4.000 ordenagailu eta dozenaka stand hartuko ditu, eta teknologia berriak, berrikuntza eta kultura digitala maite dituzten 5.000 pertsona bilduko ditu lau egunez.
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.