Nepalgo lurrikarak 150.000 liburu ere utzi ditu lurpean
Nepalgo liburutegi handienetako bi, Katmanduko Kaiser eta Nepalgo Liburutegi Nazionala (Lalitpurren dago), erabat suntsitu ditu apirilaren 25ean herrialdea deuseztatu zuen lurrikarak; 7,9ko indarra hartu zuen Richterren eskalan lurraren inarrosaldi beldurgarriak.
Tragediari itzuri egin ahal izan ziotenek (9,5 milioi pertsonak laguntza humanitarioa behar dute), baina, ez dute liburuetan inolako erantzunik aurkituko. Inoiz ez dute liburu horietan irakurriko zergatik mugitu zen lurra apirilaren 25ean, zergatik zoritxarrak jotzen duen beti gogorrago munduaren beren aldean eta zergatik planetaren bestaldean ahanztura geruza batez estali ditugun orain lur arrakalatua osatzen duten hondarrak.
154.000 liburu
Katmanduko Kaiser liburutegia Gobernuak kudeatzen zuen; "zuen" noski, egituran kalte larriak jaso baititu, eta litekeena da eraikina berandu baino lehen jaustea. Zentroko zuzendariak (Janaki Karmacharya) eKantipur nepaldar albiste atariari azaldu dionez, "arazo latzak edukitzen ari gara liburuak hondarren artetik ateratzeko".
70.000 liburu inguru daude liburu gordetegian, horietako batzuk duela mende batzuetakoak. Horregatik, egunero batez beste 150 bisitari hartzen zituen zentroa beste norabait eramateko moduak aztertzen ari dira agintariak.
Nepalgo Liburutegi Nazionalaren egoera ere antzekoa da. Lalitpurren dago, hiriburutik gertu, 1957an sortu zuten zentroa, eta 84.000 ale hartu dituzte azpian bertan hondakin eta harri puskek.
Nepalgo Barne Ministerioak emandako azken datuen arabera, lurrikararen ondorioz 7.611 pertsona hil dira eta 14.500 zaurituta daude.
Kultur ondarea
Liburutegiak ez ezik, nepaldar herritarren ondarearen beste hainbat elementu suntsitu ditu lurrikarak: Basantapur Durbar Katmanduko plaza, UNESCOk Gizateriaren Ondaretzat zuena, harri piloa da egun, eta Dharahar dorreak eta Manakamana tenpluak ere ezin izan zioten orekari eutsi, zorigaiztoko apirilaren 25 hartan.
Zure interesekoa izan daiteke
Juan Tamariz magoa hil da, 83 urte zituela
Mundu osoan zen ezaguna, kartomagian, hurbileko magian eta mentalismoan espezializatua zegoen, eta bere ikuskizunetan humorea erabiltzen zuen.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.