'Daemonium' eta 'Low Life', Bilbao Web Festeko irabazle nagusiak
Bilbao Web Fest jaialdiko lehendabiziko edizioa bart gauean bukatu zen Bilboko Guggenheim Museoko auditoriumean egin zen sari-banaketan. Bertan Daemonium eta Low Life izan ziren garaile nagusienak, biek ere bi sari eraman baitzituzten. Dena dela, palmaresa oso banatuta egon zen. Euskal Web Award galak 22 sari banatu zituen guztira sail ofizialean eta beste 11 Amets izeneko sailean.
Bilbao Web Fest webserien inguruan Euskadin egiten den lehen jaialdia da (urriak 14, 15 eta 16). Guztira 100 ekoizpen lehiatu dira (40 sail ofizialean eta 60 Amets sailean), 23 herrialde desberdinetatik etorritakoak. Estatuan egiten den nazioarteko izaera nabarmenena duena da.
Daemonium zientzia-fikziozko zinta argentinarra izan zen garaile nagusiena bart gauean, sail ofizialeko bi golardo eskuratu baitzituen: Zuzendari Onenari (Pablo Parés) eta Efektu Berezi Onenari. Webserie Onenaren saria Burning Whishes irlandarrak poltsikoratu zuen, eta Low Life koprodukzioarentzat beste bi sari izan ziren: Drama Onena eta Zuzendari Onena (Henry Nixon).
Estatuan egindako lanek bere tartea izan zuten sail ofizialean. Libres komediak (Madril) Bigarren Mailako Aktorearen saria jaso zuen (Juanjo Artero); Valentziako Desenterrats zintarentzat, aldiz, Ekoizpen Onenaren saria izan zen.
Amets sailari dagokionez, Sissara italiarrak lortu zuen Webserie Onenaren saria eta Draw-k, berriz, (Argentina/Erresuma Batua) Zuzendari Onenarena. Juan Flahn zuzendari bilbotarraren Fantasmagórica (Euskadi) lana izan zen Zinematografia Onenaren golardoa erdietsi zuena; hori izan zen euskal sorkuntzari aitortu zaion lehendabiziko saria. Horrez gain, epaimahaik hiru aipamen berezi egin zituen honako webserie hauei, Giza Eskubideen alde egindako lanarengatik: Mírame cuando te hablo (zeinu-hizkuntzan grabatutakoa) Getting Down eta Save Me.
Zure interesekoa izan daiteke
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.