'Egia-ostea', 'megakamioia' eta 2016ak ekarritako beste hainbat hitz
Urtero bezala, Uzei euskal terminologia eta lexikografia zentroak 2016an albiste izan diren 22 termino eta esamolde berri hautatu ditu. Gainera, lehendik ezagunak izan arren aurten protagonismo nabarmena izan duten berba ezagun batzuk ere jaso ditu lexikoaz arduratzen den elkarteak 2016ko zerrendan.
Errealitatearekin batera, hizkera ere moldatzen dugu egunez egun, eta eskura ditugun bi baliabideetara, sormenera edo memoriara, jotzen dugu hiztunok, hizkuntza moldatzeko ahalmenaren jabeok, eguneroko izate aldakorrari izena jartzeko.
Besteak beste, hauek erabili ditugu hitzetik hortzera 2016an, Uzeiren zerrendaren arabera: hoverboard patineteak; erroberetatik jaitsi gabe, zapatila gurpildunak eta megakamioiak; ampereak (Euskaltzaindiak anpere baztertu eta forma hori hobetsi du bere hiztegi berrian); impeachment-a, Brasilera begiratuta; alde hauteskunde iragarkietan, ospa egiteko eskaera edo norbait babesteko gonbita ote zen oso argi utzi gabe…
Megakamioia gora eta megakamioia behera aritu dira kazetariak aurten
Hitz horiek guztiak errealitatea ulertzeko eta ulertarazten saiatzeko erabili ditugu gure testuetan, ahalik eta zintzoen jokatuz gehienok ere, baina batzuek egia-ostearen mesedetan erabili dituzte berbok.
Hain zuzen ere, hitz horrek ixten du Uzeiren zerrenda, egia-oste "Oxford" hiztegiak ere urteko hitz gisa aukeratutakoak; gutxi asko, iritzi publikoa sortzeko orduan emozioak edo usteek gertakari objektiboek baino pisu handiagoa dutenekoa izendatzeko sortu ei zuten hitz hori. 1992an erabili zuten lehenengoz, eta aurten Brexitaz edo Trumpen garaipenaz hitz egiteko erabili dugu, adibidez.
Unean uneko hizkerak gizateriaren edo gizarte klase jakinen erakusgarri dira, garena azaltzen dute, eta, Uzeik aukeratutako hitzen zerrendari begiratuta ikusiko dugunez, megakamioiak eraikitzeko gai izan den aro teknologikoan bizi gara, SIM birtualak erabiltzen ditugu eta grabitazio-uhinak badirela jakin dugu, zientziari esker.
Txalogarria, zinez, baina, bien bitartean, egiari, arrazoiari, iskin egiteko enegarren bidea izendatu beharra izan dugu.
ra izan dugu. ra izan dugu. ra izan dugu. ra izan dugu.Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.