‘Soinujolearen semea’, erruaren eta iraganaren zama
Fernando Bernuesek aspaldidanik, 2005ean ‘Kutsidazu bidea, Ixabel’ filma egin zuenetik, zerabilen buruan ‘Soinujolearen semea’, Bernardo Atxagaren idazkeran aldi bat itxi zuen eleberria (2003), zinemara eramateko asmoa. Ezinezkoa izan zen, baina, euskal zinemagile batek, ekoizpen erraldoi bat egiteko asmoz, eskubideak erosita baitzeuzkan, Obabako mundua itxitzat eman zuen eta "Gizona bere bakardadean" liburuaren oihartzunak erakutsi zituen eleberria zinemaratzeko.
Bernuesek antzerkirako moldaketa egin zuen orduan, eta, proiekzioaren aurretik esan digunez, horrek asko erraztu dio, behin eskubideak ostera ere libre gelditutakoan, filmaren hari narratiboak zer bideri jarraituko zion zehazteko erabakia, Atxagaren eleberrian zenbait unitate narratibo tartekatzen baitira istorio nagusian.
Eta asmatu egin du EiTBren parte-hartzea duen pelikula hunkigarria josten. Patxo Telleria arduratu da gidoiaz, eta oso lan eraginkorra egin du: filmak, atzera eta aurrerako denbora jauzien bidez, nahieran gidatzen du ikuslea istorioko argi eta itzalen artean amaierako amildegirantz, orain bidelagun orain iruzurti.
Interpretazioei dagokienez, makina bat aktorek hartu dute parte, Euskal Herriaren historia itogarri, berunezko eta etsigarrian (iraganak harresi oro hausten duela erakusten du istorioak) hara-honaka ari den film batean ulertzekoa denez, eta emaitzak gorabeheratsuak dira, hartara. Nolanahi den, interpretazio azpimarragarri batzuek bere egiten dute ikuslearen arreta, hala nola Joseba Apaolazaren (bikain, soinujole faxistaren rolean), Mireia Gabilondoren, Eneko Sagardoyren eta Cristian Merchanen lan bikainek.
Mari Jose Olaziregi literatur kritikariak esan zuenez, ‘Soinujolearen semea’ eleberriak “epikotasun oro baztertu eta narrazio hanpatu heroikoak deuseztatzea” bilatzen zuen, eta filmak ere hortik jotzen du funtsean; forman, baina, filmak, behetik gora datorrela, ez du tregoarik ematen azken laurden epikoan, eta amaiera dirdiratsu batek, Fernando Velazquezen musikak hanpatuta, arnasa estututa uzten du ikuslea.
Huelvako zinemaldian eta Durangon oniritzi handiz (negar malkoak ikusi dira, Irudieneko argiak piztutakoan) erakutsi ondoren, Fernando Bernuesek aurreratu digu martxoan erakutsi nahiko luketela pelikula zinemetan. Merezi du ikustea.
Zure interesekoa izan daiteke
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.