Eukaliptoak guri buruz esateko dituenak, Durangoko Azokaren Sormen Bekaren lan irabazlean
"Eucalyptus" Jon Ander Urresti bermeotar sortzailearen antzezlan laburrak irabazi du Durangoko Azokaren bosgarren Sormen Beka, Oier Guillan aktoreak, Leire Vargas idazleak, Jon Maya dantzariak, Arantza Arrazola Durangoko San Agustin Kulturguneko zuzendariak, Aurelie Pousset Hendaiako kultura programatzaileak eta Asun Elorriaga Gerediaga Elkarteko kideak osatu duten epaimahaiak hala erabakita.
Urrestirentzat izango dira, honenbestez, Durangoko Azokak eta Durangoko Udalak urtero proiektu bat hasietatik amaierara laguntzeko ematen duen 15.000 euroko dirulaguntza. Aurten, arte eszenikoei begiratu diete ekimen horretan, aurreko lau urteetan literaturari, musikari, ikus-entzunezkoei eta proiektu digitalei begiratu zieten bezala.
"Eukaliptoa aitzakia hartuta, gure lurren eta bizitzen kudeaketari buruz hausnartu nahi izan dut", azaldu du Urrestik esker onez, saria iragarri eta txekea emateko ekitaldian, "zalantzak sortu, hori baita artearen funtzioa". "'Ondo estalita' esan nahi du 'eukalipto' hitzak grezieraz, eta gure lurrak ondo estali ditu azken urteetan zuhaitz horrek, fisikoki eta gatazkez ari garela".
Jon Ander Urresti
"Ez dugu hausnarketa egiteko aukera handirik izan, baina eukaliptoak ispilu bat jarri dio gure gizarteari", Urrestiren hitzetan. Espezializazioaren, erabaki errentagarrien sakralizazioaren eta dibertsitateari ateak itxi izanaren ajeak paratu dizkigu aurrez aurre, berbarako, sortzaileak ekitaldian azaldu duenez.
"Eukaliptoa ona da berez, egurra bera eta hostoen erabilera medikoa, adibidez. Baina badago lotura bat horren monokultiboaren eta totalitarismoaren artean. Kanpotik lanerako ekarri dugu australiar lagun hori, gure morroi jarri dugu lanean, eta gero gure miseriak leporatu", Urrestiren iritziz.
"Antzerkiaren konkrezioa eta dantzaren abstrakzioa" uztartuko dituen lanaren emaitza 2023ko Durangoko Azokan ikusiko dugu, "prozesu bat garatzeko proposamena" besterik ez baita oraindik.
Jon Ander Urresti (Bermeo, 1992) Dantzerti Arte Eszenikoen Goi Mailako Eskolan graduatua da, eta Horman Poster kolektiboko kidea. "Hondamendia" Artedramak eta Axutek ekoitzitako antzezlanean buru-belarri ari da aktore lanetan.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.