Iratxe Aguilera gasteiztarrak irabazi du Durangoko Azokaren bigarren Sormen Beka
Iratxe Aguilera 23 urteko gasteiztar musikariak irabazi du Durangoko Azokak sortzaile berriei eskaintzen dien Sormen Beka, "Euskal Herrian ere badugu zer esaterik musika urbanoaren inguruan!" proiektuari esker.
Joxan Goikoetxea eta Maite Arroitajauregi Mursego 15.000 euroko saria dakarren Sormen Bekar ebazteko epaimahaiko kideek azaldu dutenez, Aguilerak “modu orekatuan nahasten ditu rapa, reggaetoia, runbatoia, trapa eta beste hiri estilo batzuk. Ahots ona eta nahiko pertsonala du, eta nola berak hala David kideak talentua eta gaitasun musikala erakusten dute”, Goikoetxearen hitzetan.
Mursegok, bestalde, edukietan konpromiso soziala erakusten duela azpimarratu du, “batik bat bazterkeria sexistaren aurrean. Proiektuak hain hedatuta dagoen musika urbanoa hurbildu nahi du Euskal Herrira, baina emakumea aldarrikatuz. Genero horri atxikitzen zaizkion estereotipoei aurre egin nahi zaie, eta, euskaraz izanik, hizkuntza bera sustatuko du nerabe eta gazte jendearen artean”.
Aguilerak eskerrak eman dizkie Gerediaga Elkarteari eta Durangoko Udalari, eta proiektua lantzen urtebete daramatela azaldu du. Edukiari buruz, Jon Maia bertsolariak egitasmoari jarritako hitz batzuk erabili ditu: “Gure proiektua euskararen periferian sortzen da. Garrantzitsua da periferiako euskal identitate berriak proiektatzea, euskaraz eta Euskal Herri osora. Halaber, garrantzitsua da euskaraz ia presentziarik ez duten kultur adierazpen berria gehitzea, horrelakoek heldulekuak sortzen eta hurrengo belaunaldiei erreferenteak eskaintzen laguntzen baitute”.
Ekitaldia amaitzeko, Chicjuarezek jarritako erritmoen gainean bere proiektuaren kantu bat eskaini du Aguilerak, eta “gure ametsa errealitate egingo dugu” aldarrikatu du.
Datorren urteko Durangoko Azokan jasoko dugu Sormen Beka honen uzta.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.