Euskal antzerkiak 4 Max irabazi ditu, 'Yerma', 'Eta orain zer?', 'Sexberdinak' eta 'Supernormales' lanengatik
Euskal antzerkiak lau sari eskuratu ditu Espainiako Autore eta Editoreen Elkarteak gaur Cadizen banatu dituen Max sarien galan. Maria Goiricelaya Buronek antzerki- edo koreografia-lanaren egokitzapen onenaren saria irabazi du, 'Yerma' lanagatik; Pascal Gaignek (Kukai), ikuskizun eszenikorako musika-konposizio onenarena, 'Eta orain zer?' lanagatik; Tanttaka Teatroak, ekoizpen lanik onena, 'Sexberdinak'ekin; eta Iñaki Rikartek, eszena zuzendaritzarik onena, 'Supernormales' lanarekin.
Bilboko Dramatica Errante konpainia, Ane Pikazak eta Maria Goiricelayak sortua, bost Max saritarako izendatuta zegoen 'Yerma', Federico Garcia Lorcaren obraren egokitzapena, eta 'Altsasu' obrengatik. Bigarrena 2016an Koxka tabernan izandako gertakarietik abiatuta idatzi zuten, "zauriak konpontzeko, barkamenaz, adiskidetzeaz eta bizikidetzaz hitz egiteko". Azkenean, lehenengo lanak bakarrik jaso du saria.
Bestalde, Kukai dantza taldeak Maxekin duen idilioari eutsi dio, 'Eta orain zer?' ikuskizuna saritu baitute, ikuskizun eszenikorako musika konposiziorik onena. Argiztapen diseinu onenaren sarirako ere izendatuta zegoen (David Bernues), baina ez du sari hori eskuratu.
Gorakada konpainiaren 'Zuhaitzak landatzen zituen gizona' obra ere izendatuta zegoen, haur, gazte edo familientzako ikuskizun onenaren atalean; Marta Eguileor, errebelazio egile onenaren atalean, 'Borderland' lanagatik, eta Ikerne Gimenez, espazio eszenikoaren diseinu onenaren atalean, 'El cuaderno de Pitagoras' lanagatik. Horiek, baina, ez dute saririk jaso.
Gainerakoan, SGAE Fundazioak ematen dituen Max Sarien XXVI. edizioa historiako banatuenetakoa izan da. 45 ikuskizunetako bi, 'Runa' dantza ikuskizuna eta 'Cucaracha con paisaje de fondo' antzerki ikuskizuna, izan dira Cadizko Falla antzokian bi sari bereganatu dituzten lan bakarrak.
Sariek hiru kategoria berezi ere izan dituzte. Ohorezko Max saria Tricicle hirukoteari eman diote; izaera sozialeko Max sariak Payasospitalen lana saritu du, eta, lehen aldiz, ikusleen Max txalo zaparrada, Antoine de Saint-Exuperyren istorioan oinarritutako 'El petit princep' familia osoarentzako ikuskizunari egokitu zaio.
Zure interesekoa izan daiteke
Antzerkia eta dantza asko, dFERIAko 31 ikuskizunetan
Arte eszenikoen Donostiako azokaren 32. edizioko eskaintzaren % 15 izango da euskaraz. Tanttaka Teatroak 'desobedienteak 18/98' auziari buruzko antzezlana aurkeztuko du martxoaren 15ean.
Arriagak kontzertua eta antzerki ibilbideak eskainiko dizkio izena eman zion konpositoreari
2026ko urtarrilaren 17an Juan Crisostomo de Arriaga konpositorearen heriotza goiztiarraren (19 urte zituela hil zen) 200 urte beteko direla eta, haren izena daraman Bilboko antzokiak proposamen bikoitza egingo du. Urtarrilaren 17an, La Ritirata Josetxu Obregón bilbotar musikariak zuzendutako orkestrak Arriaga y el eco de su tiempo kontzertua eskainiko du, eta urtarrilaren 10ean eta 24an, eta otsailaren 1ean, goizez, Koldo Olabarrik eta Ainhoa Etxebarria aktoreek prestatutako antzerki ibilbideak izango dira. Kontzerturako sarrerak 26 eta 52 euro bitarteko prezioan eros daitezke, eta ibilbideetakoak 15 euroan.
"Muro de piedra" antzezlanak inauguratuko du Pabellon 6ko Gazte Konpainiaren espazio berria, Bilbon
Bilboko udal antzoki berrian ikusiko den lehen antzezlana "oroitzapen baten historia da". Torremolinoseko Pasaje Begoña kalezulo txikian, polizia-sarekada masibo bat egin zuten errepresio frankistatik ezkutuan askatasunez bizitzen saiatzen ari zirenen kontra, 1971an. Markel Hernandezen testua Aritz Castillok, Nora Urdanpilletak, Nerea Sanzek, Pino de Pablosek, Markel Urrestarazuk eta Arnatz Puertasek zuzendu, sortu eta interpretatu dute, talde lanean. Guk Sanzekin eta Castillorekin hitz egin dugu. Emanaldiak azaroaren 6tik 23ra egingo dituzte, ostegunetik igandera.
“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
Edurne Azkarate zuzendari artistikoaren gidaritzapean, Loraldia festibalaren ikuskizun berriak Laboa, Artze anaien eta Zumetaren jatorrizko lanaren espiritu esperimental eta abangoardiazkoa berpiztu nahi du musika, poesia, dramaturgia eta zuzeneko ikus-entzunezkoen bidez.
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.