Gure Zirkua Maulen da asteburu honetan, Zuberoako ikastolen 50. urteurrena ospatzeko
Gure Zirkuak Maule-Lextarre bisitatuko du asteburu honetan, Seaska Ikastolen Elkartearen 50. urteurrena aitzaki hartuta. Ostiralean abiatu zuen zirkuak seigarren bira, eta igandera arte luzatuko da Ipar Euskal Herrian egingo duen bigarren egonaldia, lau emanaldirekin.
Tolosako zirkuak atzo eskaini zuen lehen emanaldia, eta aurretik ditu gaur arratsaldeko 16:00etan eta 18:30ean eman behar dituenak, igande goizeko 11:00etarako aurreikusita duenarekin batera. Jai Alai frontoiaren parean ezarri dute 250 ikusleko edukiera duen oihal-etxe koloretsua.
Iker Galartza aktoreak eta lehen euskal zirku ibiltariaren sortzaileak EITB Mediari adierazi dionez, "uste baino hobeto" bizi izan zuen ostiraleko lehen saioa. Izan ere, berandu samar hasi arren, bertaratutako jendearekin "sorpresa ikaragarria" hartu zutela aitortu du.
Erantsi duenez, desberdintasuna igarri du bertako ohituretan; jendeak unean bertan erosten baititu sarrerak, oro har, aurretiaz internet bidez eskuratu ordez. Hala, badaki gaur arratsalderako zirku erdia bete dutela jada, eta konfiantza du erabat beteko dutela.
Galartzak gogora ekarri du duela lau urte Lapurdin egonak zirela dagoeneko, baina lehen aldia dute Zuberoan, eta "ez da erraza izan". Zirkuko lantaldearen beraren meritua azpimarratzeaz gain, nabarmendu du "hemengo jendeak sekulako meritua" duela "hizkuntzari eta gure kulturari eusten".
Sarrerak gurezirkua.eus webgunean zein tokian bertan egongo dira salgai.
Zure interesekoa izan daiteke
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.
Erriberriko antzerki jaialdia
Nafarroako konpainiekin topaketa.
Bill Murray aktorea, Arriagan
"New worlds" ikuskizuna taularatu du bart estatubatuar aktoreak Jan Vogler biolontxelistarekin, Mira Wang biolinistarekin eta Vanessa Pérez pianistarekin.
Euskal arte eszenikoak esku hutsik irten dira Gayarretik
Max saria eramateko sei aukera zeuzkaten euskal arte eszenikoek bart, Gayarren egin den Max sarien banaketa ekitaldian. Ignacio Aranguren eta Vicente Galbete Navarro Villoslada Iruñeko institutuko antzerki irakasleek soilik lortu dute golardoa.
Sei Max sari jokoan, agertoki ezin hobean
Gayarre Iruñeko antzokiak arte eszenikoen Espainiako sarien gala hartuko du astelehenarekin; euskal ordezkariek sei izendapen dituzte guztira.