"Shostakóvich 14" eta "Gesualdo WC Station" ekoizpen propioak estreinatuko ditu Arriagak
Arriaga Antzokiak bi ekoizpen propio emango ditu datorren denboraldian, irailetik ekainera. 2026ko apirilaren 11n eta 12an, Gesualdo WC Station oholtzaratuko du, kontzertuen, antzerkiaren eta zinemaren elementuak nahasten dituen ikuskizuna. Alex Gerediagak eta bere talde artistikoak Carlo Gesualdo (1560-1613) konpositorearen madrigalak interpretatzeko erronkari heldu diote.
Bilboko antzokiak hurrengo denboraldian estreinatuko duen beste ekoizpen propioa Shostakóvich 14, Calixto Bieito antzokiaren zuzendari artistikoak zuzendutakoa. Denboraldia itxiko du, 2026ko ekainaren 19an eta 20an, eta Annette Dasch eta Leigh Melrose abeslariak dira protagonista.
Horrez gain, Moto-Membra Jesu Nostri Arriagaren ikuskizuna (Dietrich Buxtehuden 1680ko musika eta Eneko Sagardoyren testuak) berriz emango da hurrengo denboraldian, irailaren 27an. Desobedienteak 18/98 - Desobedientes 18/98 Tanttaka Teatroa konpainiaren antzezlana, urtarrilean, eta Lacarra Balletaren bigarren produkzioa, martxoan, ere estreinatuko ditu Arriagak, koproduzitu ez ezik.
Amour Mari de Jonghen ikuskizuna ere errekuperatuko du Bilboko antzokiak, estreinaldiaren hamargarren urteurrenean, urtarrilaren 29an, eta beste hainbat euskal antzezlan ere aurkeztuko ditu, hala nola El lenguaje de las flores - Loreen hizkuntza La Mapatxa Teatroa euskal antzerki konpainia berriaren aurreneko proiektua azaroaren 20an; Nor naizen baneki Harkaitz Cano eta Ximun Fuchsena, azaroaren 5ean eta 6an; Rikardo III eta ni, Eneritz Artetxeren dramaturgiarekin eta Igor de Quadraren zuzendaritzarekin, urtarrilaren 15ean; eta Kimu - La casa de todos, Marie de Jongh konpainiaren azken lana, Jokin Oregik sortu eta zuzendutakoa, euskaraz urtarrilaren 31n eta gaztelaniaz otsailaren 1ean.
2026ko otsailaren 3an eta 4an Kandida estreinatuko da, Patxo Telleriaren euskarazko lan berria, eta antzerkigintzako izen handiak bilduko ditu ostera ere Bilboko antzokiak: Anabel Alonso, Magüi Mira, Juan Mayorga, Javier Gutiérrez, Antonio Molero, Pepe Viyuela, Mikel Losada, Miguel del Arco, Israel Elejalde, Itziar Lazkano, Vicky Peña, Sergio Peris-Mencheta, Victor Clavijo, Adriana Ozores, Miren Gaztañaga, Declan Donellan, Juan Echanove, Ramón Barea, José Sacristán, José María Pou, Carolina Yuste, Eneko Sagardoy, Aitana Sánchez-Gijón…
Eva Guerrero, Kukai Dantza, Olaeta Ballet Elkartea eta Lucía Lacarra Balleten ikuskizunak egongo dira, dantzari dagokionez, baita María Pagésena, Georgiako Ballet Nazionalarena eta Compañía Nacho Duatorena ere.
Musikaren arloan, ekain eta irail artean Arriagan arituko dira Gontzal Mendibil, bere ibilbidearen 50. urteurrenean, Bilboko Udal Musika Banda, Santiago Auserón y la Academia Nocturna, Mikel Erentxun, Gari, Neomak, Pier Paul Berzaitz, Euskal Herriko Orkestra Barrokoa, Xabi Solano, Jon Basaguren, Sara Zozaya…
Lehenago, udan, Mamma Mia! musikalaren bertsio berri bat izango du ikusgai Arriagak, abuztuaren 14tik irailaren 21era.
2025-2026 denboraldiko ikuskizun guztietarako sarrerak ekainaren 19tik aurrera egongo dira eskuragai, antzokiaren webgunean eta txarteldegian. Mamma Mia! musikalerakoak, nolanahi den, salgai daude dagoeneko.
Zure interesekoa izan daiteke
Antzerkia eta dantza asko, dFERIAko 31 ikuskizunetan
Arte eszenikoen Donostiako azokaren 32. edizioko eskaintzaren % 15 izango da euskaraz. Tanttaka Teatroak 'desobedienteak 18/98' auziari buruzko antzezlana aurkeztuko du martxoaren 15ean.
Arriagak kontzertua eta antzerki ibilbideak eskainiko dizkio izena eman zion konpositoreari
2026ko urtarrilaren 17an Juan Crisostomo de Arriaga konpositorearen heriotza goiztiarraren (19 urte zituela hil zen) 200 urte beteko direla eta, haren izena daraman Bilboko antzokiak proposamen bikoitza egingo du. Urtarrilaren 17an, La Ritirata Josetxu Obregón bilbotar musikariak zuzendutako orkestrak Arriaga y el eco de su tiempo kontzertua eskainiko du, eta urtarrilaren 10ean eta 24an, eta otsailaren 1ean, goizez, Koldo Olabarrik eta Ainhoa Etxebarria aktoreek prestatutako antzerki ibilbideak izango dira. Kontzerturako sarrerak 26 eta 52 euro bitarteko prezioan eros daitezke, eta ibilbideetakoak 15 euroan.
"Muro de piedra" antzezlanak inauguratuko du Pabellon 6ko Gazte Konpainiaren espazio berria, Bilbon
Bilboko udal antzoki berrian ikusiko den lehen antzezlana "oroitzapen baten historia da". Torremolinoseko Pasaje Begoña kalezulo txikian, polizia-sarekada masibo bat egin zuten errepresio frankistatik ezkutuan askatasunez bizitzen saiatzen ari zirenen kontra, 1971an. Markel Hernandezen testua Aritz Castillok, Nora Urdanpilletak, Nerea Sanzek, Pino de Pablosek, Markel Urrestarazuk eta Arnatz Puertasek zuzendu, sortu eta interpretatu dute, talde lanean. Guk Sanzekin eta Castillorekin hitz egin dugu. Emanaldiak azaroaren 6tik 23ra egingo dituzte, ostegunetik igandera.
“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
Edurne Azkarate zuzendari artistikoaren gidaritzapean, Loraldia festibalaren ikuskizun berriak Laboa, Artze anaien eta Zumetaren jatorrizko lanaren espiritu esperimental eta abangoardiazkoa berpiztu nahi du musika, poesia, dramaturgia eta zuzeneko ikus-entzunezkoen bidez.
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.