Sei Max sari jokoan, agertoki ezin hobean
Gaur, astelehenarekin (21:00), Max arte eszenikoen Espainiako sariak banatuko dituzte Gayarre antzokian, Iruñean, eta euskal antzerkiaren ordezkariek sei izendapen irabazteko bidean egongo dira bertan: Marie de Jongh Haur, Gazte edo Familientzako Ikuskizun Onenaren Saria eta Jantzien Diseinu Onenaren Saria, "Mr. Bo" lanagatik; Tanttaka Teatroa Antzerki Ikuskizun Onenaren eta Emakumezko Aktore Onenaren (Aitziber Garmendia) kategorietan lehiatuko da, "Del color de la leche/Esnearen kolorekoa" lanagatik; Kukai Dantzak Kale Ikuskizun Onenaren hautagaitza jaso du "Euskorleans" lanagatik; eta Jose Luis Raymond eszenografoa Espazio Eszeniko Onenaren atalean izendatuta dago, Laura Ordasekin batera "Un monstruo viene a verme" obrarako egin duen lanagatik.
"Afanador" Marcos Morauk Espainiako Ballet Nazionalerako sortu duen dantza ikuskizuna da sari gehien, zortzi, jasotzeko hautagaia. Antzerkiari dagokionez, "Casting Lear" eta "El día del Watusi" lanek jaso dituzte izendapen gehien, launa.
Autore eta Editoreen Espainiako Elkarte Orokorraren Fundazioak antolatzen ditu sariok, eta arte eszenikoen arlo artistiko eta zein teknikoekin lotutako hogei atal saritzen dituzte.
28. edizioa izango den honetako aurkezlea Natalia Huarte nafar aktorea izango da, eta, zeremonian, Juan Margallo zenaren eta Petra Martinez horren alargunaren ibilbide profesionala sarituko dute, ex aequo, Ohorezko Max saria emanda.
'L'alegria que passa' Dagoll Dagom kataluniar konpainiaren ikuskizunak Publikoaren Aplauso saria jasoko du, 50 urteko ibilbidearen ondoren publikoa agurtzeko egindako lanak.
Max sariak emateko gala lehenengoz egingo dute Nafarroan, eta, ohikoa denez, bertako pertsona bat arduratuko da zeremoniaz, Ana Maestrojuán (Iruñea, 1976) kasu honetan, ondoan dituela David Bernunés argiztapen zuzendaria eta Edurne Ibañez figuringilea. Zuzendari musikala Gorka Pastor izango da.
Joan Brossak diseinatu duen sagar formako golardoa emateaz, bestalde, aktore, dantzari eta antzerkigile zein zuzendari hauek arduratuko dira: Elisa Sanz, Olga Pericet, Ángel Durán, Carlos Sobera, José María Asín, Camila Viyuela, Eva Azpilicueta, Jorge Usón, Patxi Freytez, Ane Pikaza, Roberto Álvarez, Alfredo Sanzol eta Marta Pazos.
Galari musika jartzea Gorka Urbizuren, Aurora Beltranen, Raquel Andueza sopranoaren, CastaZabal bikoaren eta Saudade abesbatzaren lana izango da, Juan Gainzak zuzenduta azken hori, eta oholtzara igoko dira La Banda Teatro Circo, La Faktoria Coreographic Center eta Duguna Dantza Taldea.
Albiste gehiago antzerkia
Euskal arte eszenikoak esku hutsik irten dira Gayarretik
Max saria eramateko sei aukera zeuzkaten euskal arte eszenikoek bart, Gayarren egin den Max sarien banaketa ekitaldian. Ignacio Aranguren eta Vicente Galbete Navarro Villoslada Iruñeko institutuko antzerki irakasleek soilik lortu dute golardoa.
Bilboko Kalealdiak 59 ikuskizun eskainiko ditu ekainaren 30etik uztailaren 5era
Casilda Iturrizar parkea, Arriagako plaza, Areatza eta EHUren Bizkaia Aretoa izango dira kale antzerkiko doako jaialdiaren aurtengo agertokiak.
'Carrer 024' Sol Picó kataluniar konpainiaren lanak irekiko du Kaldearte
Kaleko arteen nazioarteko Gasteizko jaialdiak 70 ikuskizun eskainiko ditu asteburu honetan.
Dena prest Gayarre antzokian, astelehenean Max Sarien gala hartzeko
Natalia Huarte nafar aktoreak gidatuko du Espainiako arte eszenikoen sarien gala, astelehenean, eta María Álvarez, Ana Berrade, Ángel García Moreno, Javier Ibáñez, Marta Juániz, Ane Sagüés, Joli Pascualena, Oier Zuñiga, Gorka Urbizu eta Aurora Beltran ere arituko dira.
)
'Mamma Mia!' musikala Bilbora iritsiko da Aste Nagusian
Madrilen 800.000 pertsona baino gehiago liluratu ondoren, musikala Arriagara itzuliko da abuztuaren 14tik irailaren 21era.
Erriberriko Antzerki Jaialdiak 27 konpainiaren 40 emanaldi eskainiko ditu
Jaialdiaren 26. edizioa uztailaren 18tik abuztuaren 3ra egingo dute, eta musika, dantza, zirkua, clownak, performancea eta antzerkia bildu ditu programan.
"Shostakóvich 14" eta "Gesualdo WC Station" ekoizpen propioak estreinatuko ditu Arriagak
Calixto Bieitok eta Alex Gerediagak zuzendutako lanez gain, Tanttaka Teatroaren eta Lucía Lacarra Balleten hurrengo proiektuen estreinaldiak ere hartuko ditu Arriagak 2025-2026 denboraldian.
Dantzerti eskolako ikasleek ''Eldarnio'' antzezlana taularatuko dute
Jokin Oregiren zuzendaritzapean ikasleek mendian girotutako antzezlan hau, gradu amaierako lana, antzeztuko dute apirilaren 9an eta 10ean, Azkuna Zentroan.
''Kristalezko zooa'' Tennessee Williamsen lana estreinatuko du Arriagak
Natalia Menendezek zuzendu du muntaketa, eta Mikel Losada, Ione Irazabal, Arnatz Puertas eta Miren Gaztañaga dira aktoreak. Martxoaren 21etik 23ra oholtzaratuko dute euskaraz, eta apirilaren 3tik aurrera gaztelaniaz.