Egileen "arte ardura" bultzatuko du Guggenheimek
Hiru komisario gazte aukeratu dituzte arte ardura arloko proiektuak erakuts ditzaten Guggenheim Bilbao Museoko 103B aretoan 2013an. Ekimen horren bidez, Euskal Herriko egile gazteen alde egingo du museoak.
Bederatzi komisario independente gonbidatu zituzten Josu Rekaldek (UPV/EHUko Arte Ederren Fakultateko Dekanoak), Alicia Fernándezek (Rekalde Aretoko zuzendariak), Juan Zapater-ek (BilbaoArteko Zuzendariak) eta Petra Joosek (Guggenheim Bilbao Museoko Museo Jardueren Zuzendariak), arte ardura arloko proposamen bat egin zezaten, Euskal Herriko artista gazte baten zein gehiagoren artelan bat edo gehiago aurkezteko. Lau erakunde horietako kideek aho batez aukeratu zituzten hiru egile; komisario horiek 103B aretoan erakutsiko dituzte euren arte-proposamenak, hil batez, 2013ko maiatzean, irailean eta azaroan.
Iskandar Rementeria, Alexandra Baurès eta Inés Bermejo dira aukeratutako hiru komisario horiek.
Iskandar Rementeriak aurkeztuko du maiatzaren 1etik 26ra "Izena gero" proposamena. Horren muinean lau artista daude: Lorea Alfaro, David Martínez Suárez, Jon Otamendi eta Manu Uranga. Laurok onartu egin dute Euskal Herriko arte-testuinguruko genealogia bati lotutako arte-jakintza baten oinordeko direla.
Alexandra Baurèsen "Zerumuga" proposamenean, zeruertza ikusizko marra da, eta, halaber, gizakiaren eta naturaren arteko harremanaren ardatz, ekologia gaien inguruko asaldatze-garaian. Itsasoz eta mendiz inguratutako zazpi artisten lana aurkeztuko du irailaren 10etik urriaren 6ra arte. Haren proposamena Gerhard Richter-en Itsas paisaia (Seestück, 1998) lanetik abiatu da, eta zazpi artista horiek honakoak dira: Eriz Moreno, Carla Andrade, Mikel Uribetxeberria, Bego Antón, Amaia Gracia Azqueta, Antonio Barea eta Sandra Montero.
"Geratu dadila mundua, ni jaitsi egingo naiz-eta: ezeztatu garai bat, hasi beste bat" Inés Bermejo getxotarraren proposamena da, azaroaren 5etik abenduaren 2ra ikusgai egongo dena. Horren tesia da krisi-garaian murgildutako munduan energia negatiboa sorkuntza bilakatu behar dela. Hura azaltzeko, zazpi euskal artistaren lanak aurkeztuko ditu: Miriam Isasi-renak, Juan Pablo Orduñez/Mawatres-enak, Diego Vivanco-renak, Pau Figueres-enak, Ainhoa Ortells-enak, Elisa Arteta-renak eta Ibai León-enak. Artistok bideoa, instalazioa, pintura, ilustrazioa edota eskultura dute adierazpide.
Zure interesekoa izan daiteke
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.