Artium, aurrera begira
Artium museoak denboraldi berria aurkeztu du eta hurrengo bi erakusketak nabarmendu dituzte: "Palimpesto canibal" eta "Herri altxorra, errealitate ekonomikoak". Lehenengoaren egilea, Enrique Chagoya, Mexiko hirian jaio zen eta Ameriketako Estatu Batuetan bizi da, eta Europako museo batean egingo duen lehen erakusketa izango da honakoa. Bigarrenak, berriz, Artium museoko bildumaren 350 obra jasotzen ditu.
Museoen eginkizunari buruzko gogoeta bat da "Herri-altxorrak, errealitate ekonomiak" erakusketa, museoak ondare komuna egiten eta sortzen den tokiak diren aldetik. Artiumen inoiz egin den erakusketa zabalena da, 350 artelan biltzen ditu, ezberdinak, baina aldi berean osotasun baten zati.
Juan Luis Moraza erakusketaren komisarioaren hitzetan, obra bat ez da besteak gabe existitzen eta erakusketa honetan, artelanak bereizirik begiratzeko ohituratik aldendu eta artelanen arteko harremanak bultzatu nahi dira.
Enrique Chagoya Mexiko Hirian jaio zen eta Ameriketako Estatu Batuetan bizi da duela hogei urte baino gehiago. Mugaren bi aldeetan bizi izanaren ondorioz jasotako esperientziak ageri dira horren lanetan. "Palimpesto Canibal" erakusketak, besteak beste, kolonialismoa, zapalketa eta AEBen migrazio politika aztertzen ditu, baina beti gaiak ikuspuntu umoretsu batetik hartuta.
Artistak berak dioenez, lanaren zati batean, ispiluaren ideia izan du buruan, bertan alderantziz baina garen bezala ikusten dugulako geure burua.
Historiaren beste ikuspuntu bat, artearen bidez kontatua. Chagoyak Europan egiten duen lehen erakusketa da Gasteizkoa, eta bihar hasi eta urtarrilaren 12ra arte izango da ikusgai Artium museoan.
Zure interesekoa izan daiteke
Arte Ederren Bilboko Museoak Jose Antonio Azpilkuetaren 12 marrazki jaso ditu
Jose Ignacio Olave arte editoreak eman ditu grabatuok, dohaintzan. Edwar Hopper margolari estatubatuarraren pinturan oinarrituta daude marrazkiok, eta apirilaren 19ra arte egongo dira ikusgai.
Arte galeriak astebetez itxiko dituzte, kultur arloko produktu eta zerbitzuen BEZa % 10etik beherakoa izatea eskatzeko
2022an Europan onartutako araudia bete eta kultur arloko produktu eta zerbitzuei BEZ murriztua ezar diezaieten eskatzen dute. Zineman, antzerkian eta literaturan, adibidez, murrizketa hori indarrean da jada, baina, beste herrialdeetan ez bezala, artelanen salmenta kanpoan geratu da. Hori dela eta, otsailaren 2tik 7ra bitartean, galeriek ez dituzte ateak zabalduko.
Artium Museoak AMA ikasketa zentroa sortu du
“Arte garaikideari buruz modu kritikoan pentsatzea” da helburua. Otsailean, 1976ko martxoaren 3an Gasteizen izandako hilketari buruzko memoria ariketa proposatuko du.
Piranesiren grabatuak, Durangoko museoan
Durangoko Arte eta Historia Museoak “Giovanni Battista Piranesi. Erroma amestua” erakusketa du ikusgai apirilaren 26ra arte. Itzal handia izan duen XVIII. mendeko sortzailea izan zen Giovanni Battista Piranesi. Veneton ikasi zuen arkitektoak grabatugintza landu zuen, batez ere, Erroman. José Ignacio Olaveren bilduma da erakusketaren oinarria, eta Garazi Arrizabalaga Durangoko museoaren zuzendaria izan da komisarioa.
Ukitzeko Artea programako beste lan bat aurkeztu du Arte Ederren Bilboko Museoak, pertsona itsuentzat
Luis Melendez artistaren obra baten ukitzeko bertsioa aurkeztu du gaur Arte Ederren Bilboko Museoak. Lan hori eta aurreko hamar edizioetako beste batzuk Bizkaiko 16 ikastetxetan erakutsiko dituzte. Ikusmen arazoak dituzten ikasleei artearen esperientziaz gozatzeko aukera emango die, eta gainerako ikasleek, begiak tapatuta dituztela, ikusmen gabeziaren ondorioak sentituko dituzte.
Zirkulu batetik begira begiraden zirkulu batean , Artiumen
Euskal Herriko Arte Garaikidearen Gasteizko Museoak abuztuaren 30era arte izango du ikusgai Zirkulu batetik begirada begiraden zirkulu batean erakusketa. Hogei artista eta kolektibok hartu dute parte "pentsamendu dekolonialaren, zibernetikaren eta feminismoen eragina duten praktiken genealogia" proposatzen duen bilduman.
Behaketa patxadatsu eta arretatsuaren aldarrikapena, Tabakaleran
"Strong back, soft front" Maite González Martínezen bideo eta collageen erakusketa Iñigo Villafranca Apesteguiak komisariotu du. Martxoaren 2ra arte egongo da ikusgai, "begiratzeko beste modu bat" proposatzen duen bilduma Donostiako zentroan.
"Bizkaiaren espiritua" erakusketa ikusgai, Bizkaiko Eleiz Museoan
Lurraldearen espiritualtasunetik egindako bidaia da "Bizkaiaren espiritua. Nortasun sozial eta erlijiosoaren irudikapenak mende-aldaketan (1870-1936)", XIX. mendearen erdialdetik XX. mendearen lehen hamarkadetara arte.
Iñaki García Erguin pintorea zendu da
Bilbotar pintorea Jose Lorenzo Solisen ikaslea izan zen, eta Emen taldea sortu zuen, 1966an, Jose Maria de Ucelayrekin eta Agustin Ibarrolarekin, besteak beste. 91 urte zituela hil da.
Nafarroako Museorako sarrera doakoa izango da martxoaren 1era arte
Eraikina egokitzeko obren lehen zatia amaitu ondoren, bilduma iraunkorreko lau solairuak bisitarien eskura daude berriro.