Gerrak haur gazatarrengan izan duen ondorioei buruzko argazki batek irabazi du World Press Photo globala
Samar Abu Elouf argazkilari palestinarrak irabazi du World Press Photoren Urteko Argazkia saria, Israelek 2024ko martxoan egindako eraso batean bi besoak galdu zituen eta tratamendua jasotzeko Dohara eraman zuten 9 urteko haur baten irudiagatik.
Amsterdamen egoitza duen World Press Photoren fundazioak ostegun honetan iragarri duenez, Abu Elouf Qatarreko hiriburura ere eraman zuten, eta The New York Times egunkarirako Urteko Argazkia hartzea lortu zuen. Gerrak jendearen bizitzengan duen kostua eta argazki-kazetaritzak duen garrantzia aldarrikatzen du. Mahmoud Ajjour haurraren istorioa da, hain zuzen ere.
9 urteko umea larri zauritu zuten Israelek Gazan egindako eraso batetik ihesi zihoala, eta, ondorioz, bi besoak moztu zizkioten.
"Familiari laguntzetik itzultzen ari zela, leherketa batek beso bat kendu eta bestea mutilatu zion", azaldu du fundazioak, eta azpimarratu du "Mahmouden ametsa sinplea" dela: "protesiak lortu nahi ditu eta bere bizitza beste edozein umek bezala bizi nahi du".
2024ko abenduan, munduan 'per capita' ume anputatu gehien zituen Gazak. World Press Photoren 70. urteurrenaren aurkezpenean, Joumana El Zein Khoury zuzendari exekutiboak azpimarratu duenez, "artxiboa begiratzean", Mahmoudena bezalako "irudi gehiegi" daude.
"Garrantzitsuena da munduak istorio honen berri izatea, entzutea, eta jakitea Gazan dauden hainbat eta hainbat haur zauritu direla edo gorputz-adarren anputazioa eta familien galera jasaten ari direla. Ezin dituzte Gazan tratatu ospitaleak bonbardatu dituztelako, ezta Gazatik tratamendua jasotzeko irten ere, pasabideak itxita daudelako", azimarratu du Abu Elouf argazkilariak
Zure interesekoa izan daiteke
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Javier Ortiz de Guinea gasteiztar margolaria zendu da
Arabako paisajista eta erretratugileak 79 urte zituen, eta haren lanak, besteak beste, Arabako Arte Ederren Museoko eta Eusko Legebiltzarreko hormetan daude zintzilik.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Eusko Jaurlaritzak Espainiako Gobernuari eskatu dio "Gernika" Guggenheimen egon dadin bederatzi hilabetez
Ibone Bengoetxea lehendakariorde eta Kultura sailburuaren arabera, keinuak "balio sinboliko handia" izango luke Espainiako Gobernuaren partetik, Jaurlaritzaren eta Gernikako bonbardaketaren 90. urteurrenean gertatuko litzateke eta. Ernest Urtasun Kultura ministroari egin dio eskaera, Madrilen egindako bilera batean.
Mikel Chillidak hartuko du Chillida Lekuren zuzendaritza
Museoaren "etorkizuna zehazten laguntzea benetako pribilegioa" dela esan du Eduardo Chillida artistaren bilobak. Apirilaren 1ean hartuko du kargua.
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".